أنا مواطن من دوله الامارت حاليا انا موجود في تايلاند بصراحه انا ياي من تاريخ 29-11-2010 بحسابي الخاص علاج لولدي البالغ من العمر سنه وشهر اكتشفنا فيه ورم عل الكليه سويت الفحوصات بتاريخ 30-11-2010 علشان ما اضيع وقت لانه الورم كان كبير بحدود 10 صانتي بعد ما فحصوا عل الولد واتاكدوا انه في ورم عل الكليه قالو لازم يسوي العمليه ف انا ما اترددت لحضه اني ما اسويها سويتها الحمد الله بتاريخ 6-12- 2010 رحت للسفاره علشان اشرح الهم الوضع اللي انا فيه ولدي محتاج لكيماوي كل اسبوع لمده اربع شهور انا الحمد ما رحت اطلب بيزات انتوا تدرون انه البنك ما بيقصر في هالمواضيع باخذ سلفيه علشان صحه ولدي بس علشان الدوام طلبت تفريغ من الدوام لاني ماخذ شهر بس اجازه ومستحيل الدوام يفرغني اربع شهور حاولت احولها عل الصحه علشان التفريغ كلمت مكان دوامي بس قالو لي لازم اتحولها عل الصحه علشان نقدر انفرغك بس الصراااحه مذله اللين الحين محد رد علييه خبر رحت السفاره كم مره علشان الموضوع بس يقولولي لازم امر من هيئة الصحه في بوظبي والحين ماعرف شو الحل افيدوني
كان المفروض انك كنت تاخذ تقارير من مستشفيات بالدولة وتعرضها للجنة بالصحة او اي جهة ثانية ولكن انت سرت على حسابك وعلاج الورم يباله وقت مش قصير وراح اتكلفك وايد ..
خذ التقارير من تايلند وسير وده للسفارة وادخل على المدير او الرئيس فالسفارة واشرح له ,اذا اقتنع فأمورك طيبة وخله يكلم الصحة فالامارات..علشان يسوون لك اجازة مرافق عائلي لمريض.
او انك ترجع للبلاد وتسوي كل شي من أول وجديد واتييب تقرير انه العلاج غير متوفر عندنا…الله يسهل عليك
انشالله الشباب يفيدونك أكثر ……
انشالله اتشوف ولدك مشافى ومعافى
السلام عليكم ورحمة الله وبركاته
الله يشافي ولدك و يبارك فيه
خذ التقارير من المستشفى و وصلهن السفاره ,, و خلهم يكتبون كتاب لوزارة الصحه (اذا امكن) و يشرحولهم الحاله
انك محتاج اجازه عشان ولدك و ما تقدر ترجع البلاد لين يخلص العلاج
هذيلا يبالهم حد يوقف على رووسهم
اذكر واحد يقربلي ساير بانكوك يفحص, كان تعبان بسبب الكلي,, و عطووه دواء بعد الفحص ,, و قدم اوراقه للسفاره و عطوه اجازه مرضيه شهر على ما اذكر
الله يكوون في عوونك و ايسر اموووركم
تمياتي لوالدك بالشفاء اولا
راسل وزارة الخارجيه
وسمو الشيخ عبدالله بن زايد حفظه الله
ما يقصــــــــر
بالتوفيق
موفق بإذن الله … لك مني أجمل تحية .
الله المستعان