بسم الله الرحمن الرحيم
غالبية الناس يرغبون بعمل بعض المشاريع التي تدر عليهم اموال اضافيه بجانب رواتبهم الشهرية لتعديل مستواهم الاجتماعي والعيش بحياة كريمة , فكلنا نطمح لمستوى معيشه افضل لنا ولابنائنا وعائلاتنا خاصة بأن الغلاء مستمر والحياة متسارعة والراتب لوحده ما يكفي ولهالسبب ومن الضروري ان الشخص يفكر بالتجارة على قدر عقليته وتفكيره ورأس ماله
والتجارة قد تحتاج بعض المرات الى مخاطره وقد تربح وقد تخسر ولكن لن يتعلم الانسان الا ماخاطر وقد يخسر
العيب ليس بالخسارة ولكن العيب ان لا نتعلم منها شيء
والتجارة قد تحتاج بعض المرات الى مخاطره وقد تربح وقد تخسر ولكن لن يتعلم الانسان الا ماخاطر وقد يخسر
العيب ليس بالخسارة ولكن العيب ان لا نتعلم منها شيء
…
الخطوة الاولى
رأس المال
تقريبا 100 الف درهم اعتقد بأنه مقبول نسبيا والبعض يقول ياخي 100 الف ما تقدر تسوي فيها اي مشروع واحب اخالفه الرأي واقوله اذا كانت الخطوات صحيحه ال100 الف درهم كافيه وزياده بعد واهم شي التخطيط وحتى في مشاريع الشخص يقدر يسويها برأس مال اقل من هذا وكمثال بالسوق المركزي بأبوظبي يأجرون اكشاك حاليا بقيمة 5000 درهم شهريا يعني لو شخص اخذ كشك وباع فيه اكسسوارات اخذهم من سوق الجملة بدبي ماراح يكلفة هالمشروع اكثر من 40 الف درهم قيمة الاجار والرخصة والموظف والبضاعة بعد
…
الخطوة الثانية
المعرفة
يفضل دائما ان تكون على دراية كامله بالمشروع وبطريقة عمله وفي حالة عدم المعرفه سؤال اصحاب الخبره بالمجال حتى تتعلم الخبايا وطريقة العمل.
دراسة المشروع من الناحية المالية والجدوى الاقتصادية مهم للغاية ويمكن يكون تعب شوي بس بالنهايه راح يكون عندك المام كامل بالعمل وهالشي راح يفيدك بالنقاشات اللي بتصير مع المصدرين والموزعين.
بهالسبب سؤال اهل الاختصاص والخبرة والقراءة والبحث في الانترنت هي اول خطوات البحث والتقصي عن المشروع
دراسة المشروع من الناحية المالية والجدوى الاقتصادية مهم للغاية ويمكن يكون تعب شوي بس بالنهايه راح يكون عندك المام كامل بالعمل وهالشي راح يفيدك بالنقاشات اللي بتصير مع المصدرين والموزعين.
بهالسبب سؤال اهل الاختصاص والخبرة والقراءة والبحث في الانترنت هي اول خطوات البحث والتقصي عن المشروع
…
الخطوة الثالثة
مقر
للاسف بعضنا ياخذ مكتب في ارقى حي تجاري ويطبع افخم الكروت ويسوي دعايه كبيره وعنده مدير مكتب وسكرتيره واوفس بوي وهو اصلا ماعنده الخطوة الاولى للبداية وبهالطريقة خسر تقريبا نص راس ماله على امور قد يحتاجها لاحقا… ياخي انت سوي كل هذا وحتى الشاي والقهوه انت سويه واذا حبيت توفر خذ مكتب في بزنس سنتر كبداية حتى تطلع عليه رخصه واعتقد البزنس سنتر بيغنيك عن العديد من الموظفين
…
الخطوة الرابعة
اغتنام الفرص
.jpg)
تقام في دولتنا الحبيبة العديد من المعارض الرائدة في جميع مجالات الحياة مثل الهندسة واليخوت والسيارات والمواد الغذائية والالعاب والملابس والالكترونيات …. الخ وحاليا عند حضور اي معرض من هالمعارض ستجد العديد العديد من الشركات التي لا يوجد لها وكلاء بالمنطقة وما عليك الا انك تتقرب من الشركات وتاخذ عينات منهم وكاتلوجات واسعار تقريبية ولف المعرض كل يوم لين آخر يوم واذا عجبتك شركه معينه سولف وياهم وشو انطباعهم عن الزوار والمعرض وكيف طرق التعامل معهم وبهالطريقة بيشوفونك جاد وبيساعدونك زياده وبيعطونك معلومات اضافية بتحتاجها بالمستقبل واهم شي انك تسجل كل شي
…
الخطوة الخامسة
التوزيع
هاي تعتبر من اصعب المراحل في البزنس او العمل … بهالسبب حاول تشوف شركة تنتج منتجات معقوله وبسيطه وبأسعار مناسبة حتى توزيعها يكون سريع وبسيط.
وراح اقولكم شي انا سويته بمعرض Gulf Food واللي رحت له كزائر فقط وانتهى من ايام بسيطه … اخذت كتلوجات من بعض الشركات المختلفة وماكان عندي غير مكتب صغيرون وبزنس كارد واهتميت بعدة شركات وكان منها شركة تروج للشبس وكانت اسعارهم مناسبة للغاية واخذت منهم عينات وبعد انتهاء المعرض اخذتها على شركة توزيع وعرضت عليهم كل منتجات الشركة واعجبوا بنوع معين وطلبوا منه كمية .. اتصلت بالشركة الام وبالشخص اللي عطاني العينات وطلبت منه قائمة بالاسعار للمنتج المذكور مع السعر واصل لجبل علي وحسبت كل المصاريف طلع علي حبة الشبس الوحده تكلفني تقريبا 80 فلس وزودت عليها 15 فلس وعطيتها للموزع اللي طلبها. فطلب مني عدد 4 كونتينر … بحسبة بسيطه طلع الكونتينر الواحد يكلفني لين ما توصل البضاعة 7500 دولار يعني تقريبا 27 الف درهم .. فسويت حركه اعتبرها ذكية نوعا ما … طلبت كونتينر وارسلت لهم الفلوس عن طريق الاعتماد البنكي
وبعد ما وصلتني اوراق التصدير طلبت الكونتينر الثاني وارسلت لهم الفلوس … وطبعا انا على اتصال مباشر مع مدير التصدير … وطلبت بعدها بيومين الكونتينر الثالث … وقدرت اكسب ثقتهم وعلى طول قلت لهم محتاج 4 كونتينر كل اسبوعين والدفع بعد وصول البضاعه ب45 يوم لان الموزع يدفع لي كل 30 يوم وانا عطيت لعمري اسبوعين احتياط لاي تأخير وخلال اسبوعين او ثلاثه راح اكون وكيلهم بالدولة وبهالطريقة صرفت تقريبا حول 90 الف درهم ولكن عندي بضاعة خلال اسابيع تسوى فوق ال500 الف وحاليا عندي مقابله ثانيه مع موزع ثاني يبا كميات والحمدلله الشركة وافقت على نظام الكردت او الدفع المؤجل والموزعين راح يدفعون لي كل 30 يوم.
وبعد ما وصلتني اوراق التصدير طلبت الكونتينر الثاني وارسلت لهم الفلوس … وطبعا انا على اتصال مباشر مع مدير التصدير … وطلبت بعدها بيومين الكونتينر الثالث … وقدرت اكسب ثقتهم وعلى طول قلت لهم محتاج 4 كونتينر كل اسبوعين والدفع بعد وصول البضاعه ب45 يوم لان الموزع يدفع لي كل 30 يوم وانا عطيت لعمري اسبوعين احتياط لاي تأخير وخلال اسبوعين او ثلاثه راح اكون وكيلهم بالدولة وبهالطريقة صرفت تقريبا حول 90 الف درهم ولكن عندي بضاعة خلال اسابيع تسوى فوق ال500 الف وحاليا عندي مقابله ثانيه مع موزع ثاني يبا كميات والحمدلله الشركة وافقت على نظام الكردت او الدفع المؤجل والموزعين راح يدفعون لي كل 30 يوم.
…
الارباح
قليل مستمر ولا كثير منقطع
لو لاحظتوا اني حطيت 15 فلس ربح على كل عينه وقد يعتبر بسيط نوعا ما وماعندي مشكلة لو الموزع باعه باضعاف المبلغ اهم شي اني اكسب فيه مبلغ بسيط ولكن مستمر .
الطمع الزائد ما ينفع لان مصيره ينقطع في يوم من الايام وانا جربت اني اربح وايد وبالنهايه اندقيت على راسي
الطمع الزائد ما ينفع لان مصيره ينقطع في يوم من الايام وانا جربت اني اربح وايد وبالنهايه اندقيت على راسي
…
اساسيات
بالبداية راح تدير المشروع بروحك من كافة النواحي الادارية والمالية ولكن بعد فتره راح تجيب منتجات ثانيه وبهالطريقة راح تحتاج لشخص واحد فقط يدير لك المكتب ويكون مدير مكتب وسكرتير ومحاسب ولكن راح تعطيه راتب سكرتير بس زيده شوي لانه يدير اكثر من وظيفه بنفس الوقت
بعد فتره تشوف الشغل زاد عليك على طول وظف محاسب لان المحاسب مهم للغاية حتى يدير حسابات الشركة ويعرف الموازنة والصرفيات بعدها تقدر تنتقل لمكتب اكبر شوي بمنطقة معقولة وبإيجار معقول وتوظف موظفين زياده
بعد فتره تشوف الشغل زاد عليك على طول وظف محاسب لان المحاسب مهم للغاية حتى يدير حسابات الشركة ويعرف الموازنة والصرفيات بعدها تقدر تنتقل لمكتب اكبر شوي بمنطقة معقولة وبإيجار معقول وتوظف موظفين زياده
…
ابدأ صح وراح تنتهي صح
انا يديد بهالمجال والحمدلله يالس ابني نفسي شوي شوي برأس مال بسيط
اذا كان عندي مليون درهم صدقني لادخل كل 6 شهور 100 الف درهم يعني بالسنة 200 الف درهم يعني تقدر تقول 20 % من راس المال ولكن العين بصيره واليد قصيره ولكني ابدأ خطوه خطوه واحط الفلس على الفلس لين ما اجمع رأس المال اللي احتاجه واقدر عقبها ادخل منتجات يديده ومطلوبه للسوق المحلي
اذا كان عندي مليون درهم صدقني لادخل كل 6 شهور 100 الف درهم يعني بالسنة 200 الف درهم يعني تقدر تقول 20 % من راس المال ولكن العين بصيره واليد قصيره ولكني ابدأ خطوه خطوه واحط الفلس على الفلس لين ما اجمع رأس المال اللي احتاجه واقدر عقبها ادخل منتجات يديده ومطلوبه للسوق المحلي
…
هاي نصيحتي للكل واتمنى اكون وفقت في تفصيلها واذا في اي استفسار ياليت تطرحونه بالموضوع حتى الكل يستفيد وماتتكرر الاسئلة.
واتمنى من الجميع دعواكم لي وللجميع بالتوفيق
اخوكم
ابو شوق
المشاريع دائما تحتاج الى رأس مال والغالبية يبون مشاريع ضخمه وماعندهم سيوله ويلجؤون للبنوك او جهات التمويل لتمويل مشاريعهم ولكن في مشاريع تكلفتها بسيطه واذا حتى خسرت فيها ماراح تكسر ظهرك مثل هالمشروع اللي بعطيكم اياه
المشروع
عباره عن بيع الفروالة والفواكة والحلويات الاسفنجية مغمسه بالشوكولاته السودا او البيضا
رأس المال
50 الف درهم وهو يشمل
1) الرخصة ( 5500 درهم )
2) البضاعة ( 500 درهم )
3) الديكور ( 25 الف درهم )
4) العمال ( 7800 للعامل الواحد )
5) ثلاجة عرض ( 3500 درهم )
…
المحل عباره عن كشك وتصميم وتنفيذ الكشك ماراح يكلف اكثر من 25 الف لان المساحه المطلوبة لن تتعدا 3 متر في 3 متر والموقع راح يكون في المجمعات التجارية وبالمهرجانات
…
بخصوص الاجار بالاتفاق مع المجمعات التجارية راح يكون على 3 او 4 دفعات يعني يبالك دفعه اولية فقط والباقي من المدخول تقدر تغطي الاجار
…
هالمشروع بسيط لان البضاعه رخيصه وتقدر تبيعها بسعر عالي شوي
كمثال
كرتون الفروالة فيه 10 بكس
البكس الواحد نحن نشتريه من الجمعيات بسعر مابين 6 الى 12 درهم على حسب الموسم
بس بسوق الجملة كرتونة الفوالة تكلف مابين 15 الى 20 درهم وكل كرتونه فيها 10 بكسات وكل بكس فيه تقريبا 14 حبة فراولة
المكينة اللي تذوب الشوكولاته سعرها تقريبا مابين 2500 الى 3500 درهم للمكينة الواحدة بس اهم شي تتأكدونمن الموتور لان بعضهم للاستخدام المنزلي وبعضهم للاستخدام التجاري ويفرق وياك السعر واهم شي تاخذ للاستخدام التجاري لان مكينته تستحمل التشغيل لساعات طويله بدون خراب او مشاكل وبالطبع يبالك مكينتين وحده للشوكولاته السوده والثانية للشوكولاته البيضه واعتقد بأني شفت كم من موضوع بالمنتدى لبيع نوافير الشوكولاته
…
البيع
كل 3 حبات فراولة مغمسة بالشوكولاته البيضا او السودا ب10 دراهم
فرضا بعت لعشرة اشخاص باليوم يعني هاي 100 درهم
استهلكت 30 حبه فراولة تكلفتهم عليك 10 دراهم
الشوكولاته تكلفتها عليك 5 دراهم
يعني المربح من 10 اشخاص 85 درهم
…
المربح يعتمد على اجار المحل اللي بتاخذه وحركة الناس يعني تاخذ في مول مافيه حركه وتعبان اكيد راح تخسر ولكن لما تاخذ في مكان مزدحم وعليه حركه لما تاخذ هناك حتى لو كان الاجار غالي بس الحركه بتكون كبيره والبيع بيكون اكثر
…
اعتقد هالمشروع بسيط لمن يرغب بدخول مجال التجارة ومايباله مكتب كبير ولا سكرتاريه ولا غيره
حتى تعرف التكاليف والمصاريف والارباح
تقدر تديره بنفسك مع عامل واحد.
اهم شي ان مدخول المحل تحطه في حساب خاص بالبنك وماتخلطه مع حسابك الشخصي ولا تسحب منه كل ما بغيت تشتري اغراض البيت
وتقدر بين فتره وفتره تضيف له اضافات مثل انك تبيع بكس فواكة مشكله وعصائر فرش وخلافه
مشروع بسيط واعتقد بأنه غير مكلف وياليت اي شخص عنده اي ملاحظات او استفسارات يحطها بالعام واللي عنده اجابات بعد يحطها بالعام حتى الكل يستفيد
اتمنى ان ينال الموضوع على استحسانكم
اخوكم
ابو شوق
الله يوفق الجميع ان شاء الله
تسلم على المشاركة بالموضوع
والله ياخوي وانا الف في معرض Guff Food كنت اتمنى اشوف الشباب ربعنا ييون ويشوفون المنتجات
استانست حصلت كم من وحده من بنات البلاد يتناقشون مع بعض الشركات بخصوص الوكالات التجارية بس الخوف انهم يتحسبون المعرض للعبي والشيل
للاسف غالبية الناس الموجودين كانوا من اخواننا العرب والجاليات الاسيوية حتى لما كنت امر هناك انا وربيعي الخلق غالبيتهم يطالعونا كإننا كائنات فضائية
المعارض فرصة لا تعوض وخاصة في معرض الحين قريب للفرانشايز في مركز دبي التجاري واعتقد انها فرصه حلوه بعد واعتقد بأن يبالها راس مال بس مب غلط ان الشخص ياخذ فكره على الاقل ياخذ عينات ببلاش حق البيت
خخخخخخخخخخخخ
تسلم على المرور والمشاركة واذا كان عندك اي استفسار قوله بالعام وبساعدك فيه
وحتى بالخاص دامك ولد البلاد ماراح نقصر وياك ان شاء الله
موفق بإذن الله … لك مني أجمل تحية .
بعدي والله
تفكيييييييير منطقي و أحلى شي القنااعهـ
لنك لو بغيت زود يمكن تحصل فترهـ و خلاف بتطييح أخير لك شوي شوي
حمستني ياخي فيه حفووز أحين