السلام عليكم ورحمة الله وبركاته ..

شحالكم يا اخوان .؟

سبق وسألتكم عن الفولكس واجن تيقوان ..

والجماعة قالوا قطع غيارها غالية وما تنفع ومن هالكلام ..

غيرنـا الوجهة للبي إم إكس 1

شو رايكم فيها ..؟

سعرها 152 على ما أذكر ..

لنا كذا تجربة مع البي إم ..لكن أكثر وحدة طولت حوالي 9 شهور

فاللي عنده بي إم .. يفيدنا ..هل السيارة تنفع للكد لسنوات ..؟؟؟

11 thoughts on “ممكن تفيدونا فالـ bmw x1”

  1. انا بقول لك احسن عن كلام الشباب ـ مع احترامي ـ

    1) استخير ، ثم استخير ، ثم استخير ..

    2) الألماني فخامة والسيارة اللي خاطرك فيها احسن شي ، لاتسمح لحد يفرض عليك ذوقه

    3) اعقلها وتوكيل

    والسموحة منك وبالتوفيق

  2. سيارة حلوه جدا وراقية تنفع فورويل وسيدان بنفس الوقت ومفضله في المانيا اكثر فئه منتشره لانها صغيره ومنها 3 انواع عندنا

    18i اربعة سلندر و152 حصان سعرها ستاندرد بدون فتحه ونفيقيشن ب160
    25i ستة سلندر 200 حصان فتحه ونفقيشن ب200 الف اعتقد
    28i ستة او 8 سلندر 220 حصان سعرها تقريبا 220

    باقي الانواع اعتقد ديزل مش متاكد ممكن تسأل عنها بمنتدى بي ام … والسيارة شفتها بمعرض الشارقه متوفر منها 18i بس
    بس في الافرع الثانيه اعتقد متوفرة فئة ال25i وال28 او تطلبها وتوصل خلال 3 شهور ….

    فيديو عن السيارة جميلة وحاصله على جوائز الامان في فئتها عن الحوادث

    سيارة جميلة جدا وانيقة ومش منتشره عندنا يعني اللى يقتنيها بيكون متميز …. والالماني جوده عاليه وراسي على الخط والعزل
    مايحتاج لايقارن بالياباني او الامريكي طبعا

  3. طلعت من الفولكس ييت على البي ام هههه

    كلهم فالهوى سوى صيانتهم غاليه وبالمختصر (الالماني صيانته وايد غااااليه) وفالحر تسمع صوت مراوحه من على بعد كيلو

    وبشكل عام الالماني يمشيك كم سنه حلوه وباقي السنين بي هم بتكون

    المرتبه الاولى اختار من (تويوتا)
    المرتبه الثانيه اختار من(نيسان)
    المرتبه الثالثه اختار من (جي ام سي والامريكي بشكل عام)

    المرتبه الميؤووس منها (الالماني)

    اسميه الريال بيكرهنا بقول شو ها كل موتر طلعتو فيه عيب هههه

    اختار غير الالماني وامورك طيبه

  4. شف وانا اخوك ,,, البي إم يسمونها بي هم !!!! وإذا قدرت تبعد عنها صدقني بترتاح ,,,,, وإذا تبا نفس حجم إكس 1 ليش ما تشتري لك لكزس is 300 سياره حلووه وعمليه ومالت الاستعمال اليومي ….. وإذا ما زلت مصر على البي هم انصحك قبل ما تشتريها انك تتصفح الموقع هذا :

    :: منتديات بي ام دبليو الخليج GULF BMW FORUMS ::

  5. وعليكم السلام ورحمة الله وبركاته

    شكلك متلعوز اخووووي على البي ام لا تحاتي عند اخوي اكس فاايف ما شفته يوم من الايام اشتكاااء ولا شي ضماان خمس سنين والاموور طيبه وان شاء الله الاخواان يفيدوونك الاكس 1 شكلهااا حليووووو تنفع حق استخدام حرمه

    بتوفيق اخوووي

Comments are closed.