اتجه بعض الاخوه والاخوات للزراعة البلاستيكية ما فيها من فائدة ولكن للاسف نسبة كبيره منهم اوقفوا الزراعة وذلك لصعوبة تسويق منتجاتهم الزراعية وعدم وجود تجار جادين يتعاملون وياهم
…
انا مستعد لشراء جميع المنتجات الزراعية طوال السنة ولكن بشروط معينة
1) ان يكون المنتج مطابق لمواصفات السوق ( يعني مابا بضاعة تعبانه )
2) السعر يكون مناسب ( البعض للاسف يبالغ بالاسعار )
3) التوصيل يكون عليكم لين سوق الخضار والفواكة بالعوير
4) الاستمراريه بنفس الجودة
5) الكميات تكون كميات تجارية ( يعني مب زارع لي كيلوين طماط وتطرش لي اياه )
…
الامثلة المطلوبة من المنتجات المحلية المزروعة بالمزارع البلاستيكية
كزبره
جرجير
بقدونس
بصل اخضر
طماطم كبير ( بيف)
يعني هاي كمثال اربع منتجات لو احصل احد يوفر لي اياهن طول السنة انتاج محلي وبكميات كبيرة راح اسوي وياه عقد سنوي
…
تعاملت ويا وحده من الاخوات بالمنتدى الله يعطيها الصحة والعافية وما قصرت قامت تطرش لي بضاعتها ولكن للاسف ماكان ضمن المواصفات المطلوبه بالسوق لأن ماعندها خبره بالزراعة وبالنهاية باعت المزرعة وعلى حد علمي راح تاخذ مزرعة يديده وترتبها صح وان شاء الله بكمل التعاون وياها
في حالة وجود اي استفسار يرجى التواصل على
0 0 0 5 0 3 2 5 5 0
اخوكم
ابو شوق
ابا اي شخص يزرع لي كزبره ونقدونس طول الموسم لو سمحتوا
اللي يقدر مستعد اتفق وياه اني اشتري محصوله بالكامل