السلام عليكم
اشحالكم عساكم ابخير ؟؟
بغيت افضفض من الضيج اللي فيني ماعرفت وين احط موضوعي
ولا لمنو اشكي لاني تحديت الكل حتى اكمل دراستي
يعني ان اشتكيت حق حد بيقولون شو اللي جبرج تكملين دراستج
ولاشووو ناقصنج حتى تدرسين وتعورين راسج
بيقولون اطلعي وفكي عمرج
وانا مستحيل اطلع دراستي
لانه الله يسلمكم انا من فتره قطعت دراستي بسبب ضروف خاصه
والحين بعد كم سنه رديت اكمل دراستي فطبعا كل شي اختلف عليه
لاني غيرت المدرسه ونااس اللي ادرس ويااهم اغلبهم غير مواطنين
لانه اللي بدون واللي غير مواطنين اغلبهم يدرسون مسائي
المهم انا ماعمم حد من اللي ادرس ويااهم ونعم فيهم
بس مشكلتي مع طالبه دوم ادور سبب تافه وتضارب بدون سبب وانا والله العظيم في حالي
ولا اكلم حد ولا احتك في حد وهااي الطالبه سبق وتضاربت مع وحده ونقلوها حتى ماتضارب ويااها مره ثانيه
ووصلت الضرابه معاهم للفصل يعني الناظره من اللي سووه من ضرب وشتم في المدرسه
قالت لهم مالكم مكان في مدرستنا بعد تدخل حد من اهلهم رجعوهم
ورجعة حليمه لعادتها الجديمه
المهم انا دخلت المدرسه ومتحديه الكل اني بكمل دراستي والحمدلله بعون الله
اطلع من المتفوقاات والحين اخر السنه يعني ماشي باقي وبنخلص
بس هاناااااس ماترحم ولاتخلي رحمة الله تنزل
وكل انساان ينجح بمجهوده وتعبه وشقااه
وصعب تحصل حد يسوي براشيم ويغش وانت تكرف وتدرس ولاترقد من كثر الدراسه
وحد ايي ع البارد ياخذ علامات كامله من الغشش
المهم هااشي صاار عندنا وانا الحمدلله مارضي هاشي اسويه
شله من البنات يتخذون الغشش في الامتحانات
طبعا انا يوم شفتهم يغشون اشرت للمدرسه حتى تراقبهم
وحده من البنات شافتني وقالت لزعيمه اللي تقودهم وطبعا انا عطيتها
اسم الزعيمه لانها هي اللي دووم ترمس في الفصل وهي اللي تسوي مشاكل بدون سبب
من شي ومن لاشي
المهم المدرسه تقربت من البنت وشافتها تغش وسحبت عنها
الورقه اللي فيها الاساله بس ماعاقبتها وخلتها تكمل الامتحان
الحين عااد هالبنت هب طايقتني وتقول يا انا ياانتي بالفصل
اونه انا هب من مستواهم يعني انا مواطنه وهم لا
الحين من اللي هب من مستوا الثاني والله اني طنشتها
ولاعبرتها وهي تعق كلام وصخ وبذيئ
بس اليوم طفح الكيل كل ماادخل الفصل احصلها تتناغز هي وربعاتها
ويقولون كلام يسم البدن
رحت لناظرة المدرسه وكلمتها
وترياا باجر شووو يسوون لاني كرهت الدراسه بسبتهم والله
هب قادره ارقد ولا امسك الكتااب من الضيج
اللهم من اراد بي شرا فاشغله بنفسة
اللهم من اراد بي شرا فاشغله بنفسة
اللهم من اراد بي شرا فاشغله بنفسة
.
.
.
انزين هل حاولتي تصلحين مابينج و بينهن !!!!
قال تعالى:
” ولا تستوي الحسنة ولا السيئة ادفع بالتي هي احسن فإذا الذي بينك و بينه عداوةٌ كأنه وليٌ حميم “
جربي باجر و ييبي معاج علبة ماكنتوش و وزعيها على البنات
يمكن ينصلح حالكن
لا إله إلا الله
يزاك الله خير اخويه
ياخويه انا اقولك مابا ادخل الاهل لانهم بيقولون شوو لج في عوار الراس وطلعي من الدراسه وفكي عمرج
ابا احل مشكلتي روحي مابا ادخل حد وانا هب صغيره الحمدلله
يعني تجاوزت من السن عتيااا ههههههههههههه
ذكري الله وحطي ذكر الرحمن في صدرج ……. وما عليج منها
.
.
.
لو انا مكانج بخلي وحدة عودة من الأهـــــل تيي و توقفهن عند حدهـــــــــن