أولا : السلام عليكم ورحمة الله وبركاته
ثانيا : تقبل الله طاعتكم وعيدكم مبارك
ثالثا : راح ادش بالموضوع دايركت
أكيد كل واحد منكم طرش مسجات العيد للاهل والاصحاب واكيد ساعات يكون بالموبايل ارقام موجوده من زمان وأصحابها من كلمناهم من فتره , يعني بعد ما طرشتلهم المسجات يرد يتصل فيني واحد من اللي ما كلمتهم من فتره فاكتشف انه الشخص المتصل حرمه (شكله صاحبنا صاحب الرقم الأصلي مكنسل الرقم وانصرف لشخص ثاني) ويالسه اتكلمني بكل وقاحه واتقولي منو اللي مطرش مسج ولا متصله كمن مره بعد والظهر الساعه ثلاث والناس رقود ولا يوم اقولها يمكن بالغلط ترد اتطرش مسج واتقلولي لا اتطرش اس ام اس.
أنا اللي قاهرني يعني الشخص يوم يوصله مسج من رقم مجهول لازم يعرف منو هالشخص يعني ما في طاف وخاصة يوم اتكون حرمه , وبعدين اهناك اسلوب في الكلام مو اتكلمني كاني ساب أهلها وله سارق عيديتها والله لو ما كانت حرمه كنت نفاتنت وياها بس ما أقول غير حسبي الله ونعم الوكيل.
هذي وحدة ما عندها سالفة .. ومتفيجة ترد على كل رقم غريب
الحرمه المحترمه اللي وراها رياييل ما ترد تتصل على ارقام غريبه و تفاتن بعد
خلاص ما عرفتي الرقم طااااف…بتنفجر الدنيا لو ما عرفتي منو!! الفضول اللي ذبح العنز
الناس اجناس ياخويه خلها تولي و لا في البال
والله صدقتي والصراحه يلست أسأل اهلي واقولهم لو ياكم مسج من غريب تردون تتصلون فيه طبعا الجواب كان لا واسف على هالكلمه اللي من حرفين (طز).
الحرمه المحترمه اللي وراها رياييل ما ترد تتصل على ارقام غريبه و تفاتن بعد
خلاص ما عرفتي الرقم طااااف…بتنفجر الدنيا لو ما عرفتي منو!! الفضول اللي ذبح العنز
الناس اجناس ياخويه خلها تولي و لا في البال
http://www.mowjeldoha.com/mix-pic/borders/www.mowjeldoha.com-borders-24.gif
خذها بروح رياضية اخوي
وخليك منها ولا يهمك ترا فرحت العيد فرحة ولا تخليها تعكر مزاجك ولا تهتم
واعتذر منها لانها لمن تعتذر وما قبلت الإعتذار تكون هي المخطئة وخصوصا إن كانت من الجنس النسائي
دمت بود
http://www.mowjeldoha.com/mix-pic/borders/www.mowjeldoha.com-borders-24.gif
مشكور اخوي ون مور
وصدقني الروح الرياضيه موجوده وتراني اتصلت فيها وقلتها ترا الرقم اللي عندي باسم شخص ثاني وبعد كان ردها اوقح من قبل اتقولي امممممممم امم لا اتطرش مسج مره ثانيه وصكرت.
على العموم انا يوم كتبت الموضوع اتعدل المزاج والحمدالله , صدقه اللي قال فضفض بترتاح
http://www.mowjeldoha.com/mix-pic/borders/www.mowjeldoha.com-borders-24.gif
خذها بروح رياضية اخوي
وخليك منها ولا يهمك ترا فرحت العيد فرحة ولا تخليها تعكر مزاجك ولا تهتم
واعتذر منها لانها لمن تعتذر وما قبلت الإعتذار تكون هي المخطئة وخصوصا إن كانت من الجنس النسائي
دمت بود
http://www.mowjeldoha.com/mix-pic/borders/www.mowjeldoha.com-borders-24.gif