بفتح محل عبايات وشيل.. واريد استشاره..

6 thoughts on “بفتح محل عبايات وشيل.. واريد استشاره..”

1. هلا اختي
   الله يسلمج الاجراءات العامه للحصول على الترخيص هي كالاتي :
   – التوجه الى الغرفه للحصول على الاسم التجاري.
   – التوجه الى البلدية وتقديم طلب.
   – تقوم لجنة التراخيص بدراسة الطلب والنظر فيه اذا كان يحتاج موافقة جهات ………..
   التوجه الى جهات معينه مثل لو كان نشاطج مكتب محاماه او استشارات قانونيه تروحين وزارة العدل
   واذا كان النشاط اسهم وسندات او استشارات ماليه تروحين المصرف المركزي
   بس في حالة عبي وشيل ما اتوقع يحتاج جهة معينه البلديه بتكفي وبتوفي

   – بعد الموافقه يرسل كتاب للغرفه
   – وبعدين يصدرون الترخيص من البلديه

   وبخصوص دراسة الجدوي غير راس المال
   -تحتاجين اعداد خطه تسويقيه من خلال دراسة المنافسين
   -وطرق الدعايه اللي بتقديمين فيها مشروعج
   – موقع المشروع وتكلفة الديكور
   – البحث عن المتقدمين للوظيفه ووضع تصور لرواتبهم
   – تدريبهم على المنتج .
   -(((((((((( وضع استراتجيه للاسعار ))))))))
   – الق نظره على الاسواق الحاليه وعلى اسعارها
   – ابحث عن الطرق التي من الممكن ان تزيد من قيمة منتجاتك .
   – ابحث عن المعلومات التجاريه مثل اماكن ومواقع الموزعين للخام والاكسسوارات وارقامهم .
   – احسب جميع التكاليف المحتمله واضيفي احتياطي في حالة تطلب الامر .

   هذا وبالله التوفيق

2. مشكورة عيوني..

   واتدعولي اتوفق في هالمشروع..

   بس لين الحين محد جاوب على باقي الأسئلة ؟!

   مع منو اتعامل وش المطلوب من جميع النواحي اوراق ؟ وين اقدم؟ شو اسوي والرخصه الخ..

   اختكم بنت الوزير

3. الغالية جربي سوق الجملة في دبي

   يبيعون الخامات بالرول يعني بالجملة

   ولازم تاخذين لفه على محلات العبايات الراقية وتسألين عن اسماء الاقمشة المستخدمه

   بالتوفيق لج الغالية

4. مشكوره يا أم هيلان..

   نبهتيني على شي كنت ناسيتنه 🙂

   ومن ناحية الديزاينات بتكون مميزه انشالله ..

   والأسعار بعد لأني لاحظت المحلات بدوا يمصخونها ..

   والدعاية بخليها في المنتدى ..

   وهاللله هالله فيني ..

   يالله اتريا رد باقي الأعضاء 🙂

   :tteet:

   ومشكورين مقدما”

5. يوم تفتحين محل لبيع العبي لازم تفتحين شقة للخياطة………اذا كنتي ماتبين حد يقلد دزايناتج
   يعني بياله خبرة … واهم شي التميز عن الغير….

Comments are closed.