تبغي تكون مليونير وصاحب ملاين في اسبوع الجزء الثاني

اسمحولي ياخوان على التاخير هوب عشان اتغلى عليكم لاوالله بالعكس ادش المنتدى اسلم على الربع واتصفح بس الكتابه يبالها واحد رايق ونا مخي مشوط هالايام في البروجكت المهم بعد ماشتغل عندي المرتاني الحمدلله استوى الشغل زين وشتغل يمحمدي ولد مادري منوه اساميهم المرتانين كلهم ولد ولد بهدله المهم المرتاني يشتغل بصوب بعلاقاته ونا من صوب على ايران بعد وكل يوم كونتينر ولا ثنين يوميا والربح الحمدالله كان يوميا مابين العشره الاف والعشرين مع تفاوت الشغل طبعا من عموله في الشحن وفايدة بيع البضايع وفرق العمله في التحويل وارضية التخزين في المستودع كل متر له قيمه بعدد الايام لن التجار مايحصلون اماكن للتخزين لانهم يكملون بلاسابيع في دبي والحبيب اسغل الوضع و من عدة اشياء اكثيره مابغي اتكلم فيها الشاطر يلعبها صح المهم وضبط مع السنغال بعد ياشيب شعري وزاد الشغل وشتغل مع افريقيا عموما اغلب البلدان وروح ياولد وزور هالبلدان كلها وعلاقات ومعارف على اعلى المستويات وشغل بيع وشرى كل شي كل ماهو موجود عندهم وخصوصا الخشب من كنشاسا وروح ياولد الصين والهند وماليزيا وسنغافورا وهونكونج وكل بلدان اسيا الشرقيه وتجاره وتربيط علاقات وسفرات وحفلات وعزايم وجاكيت وتاي وكل الشغل لافريقيا محتاجين كل شي من الابره يلين السياره والله يملكون كل شي من طبيعه وذهب وفلوس بس مادري شو اقول عنهم عقول ميـــــــــح وكل واحد همه يسرق ابلاده وفتح حسابات في الخارج وتوسعت شوي شوي وقمت واجرت مستودع زياده في القرهود ورى وكالة الطاير وفتحه مكتب شحن وتخليص واشتغل شحن بحري كونتينرات مع مارسك لاين لانهم متخصصين لافريقا وباسعار روعه في كل كنتينر من 800-1200 دولار فايده من غير البونس واشتغل شحن جوي لتشاد اول رحله لي اجرت انتنوف وحساب التاجير بالساعه رايح وجاي انضربت فيها بس ماعليه لازم الواحد يامن شحنه جايه من هناك وخبص يمين شمال لين مافهمت الشغله عدل احسن شي تكون وسيط فيها الا في وقت الحج من افريقيا هاي الضربه في شهر يعوضك عن شغل سنه كامله قمت وتشاركت مع واحد وفتحت فرعين للمكتب في مرتانيا ومالي عشان زيادة الربح وتسهيل الاجرات هناك بمشاركة منوه تتوقعون؟ بكملكم القصه خلال هالايام وعذروني يالربع مضغوط شوي ارجو من المشرف يخلي الموضوع ثلاث ايام ويدمجه مع الموضوع السابق عشان الربع والسموحه على التقصير..