ابي نصائح حول مشروع مغسلة ملابس

27 thoughts on “ابي نصائح حول مشروع مغسلة ملابس”

1. اذا كان دخلها ما بين 25 الف الى 30 الف ما هيه اسباب التنازل او البيع ؟؟

   ارباب
   اكيد عدم التفرغ ابسط جواب :efgh:

2. مرحبا بكم جميعاًَ..

   بالحقيقه انا قررت اشتري مغسلة ملابس بأبوظبي.. جاهزة بمعداتها ورخصتها التجارية دخلها الشهري حسب مايقوله صاحبها السابق انها مابين 25 الف إلى 30 الف

   ولكن لا املك اي معلومات عن المشروع واحتاج الى نصايح كثيره ومعلومات حتى لايفشل المشروع
   ووضعت هذا الموضوع لكي استفيد من تجارب وخبرات الاعضاء
   ولكي نفيد ونستفيد..

   والا اعرف كيف ابداء وماهو المطلوب مني..

   اتمنى ان نتعاون لكي يستفيد الجميع من الموضوع..

   وماهي متطلبات لمشروع
   تكاليف المشروع
   الاداره
   العماله ” هل اقبل بعمالها الموجودين فيها او اغيرهم بعمال آخرين
   الاسعار
   احتياجات المغسله بالكامل” يعني كيف اشتري الصابون ولوازم التنظيف بأقل الاسعار “
   هذا هو محور النقاش
   اتمنى المشاركه منكم

   لاني بصراحه متوهقة ومابي يضيع شقى عمري وتطير فلوسي ويفشل المشروع..:kkkg7:

   يودي فلوسك بلا هالمشاريع الفاشله لانك مابتقدرين تسيطرين لاعلى العمال ولاعلى الحسابات تخيلي قاعده تحسبين الملابس حبه حبه لاوريحة البتان بعد لووووووووووووول:075:

3. اذا كان دخلها ما بين 25 الف الى 30 الف ما هيه اسباب التنازل او البيع ؟؟

   ارباب

4. السلام عليكم

   بخصوص التنازل عن الرخصه لازم تسوين اعلان فالجريده عن التنازل وعقب تاخذين ورقه من البلديه تكون مختومه وتودينها المحكمه عقب اسبوعين بالضبط تسوين العقد فالمحكمه لان قبل اسبوعين المحكمه ما اطيع تسوي العقد وعقب تودين الورقه البلديه وتاخذين من عندهم ورقه حق وزاره العمل وتختمينها هناك وجذي بيكون المحل والعمال باسمج يعني ان شاء الله ما بيكون في مشاكل من هالناحيه.

   بخصوص الاكياس في سيارات بين فتره وفتره تلف ع المحلات ويبيعون هالاكياس بس الافضل انج تسيرين المصنع ( مصنع البلاستيك) وتسوين اكياس علي كيفج والطبعه اللى تبينها والشكل اللى تبينه واللون اللي تبينه بعد .

   السموحه منكم

5. السلام عليكم

   اختي شوفي اول شي موضوع المدخول الشهري ما وضحتي انتي هل هي مغسله اوتوماتيك او عادي وبلنسبه للمدخول راجعي الفواتير عندهم او توكلي على الله بدون ما تراجعي
   حسب ما تبين
   متطلبات الموضوع ولا شي لانه كما قلتي جاهز بس عليج تنقلين الرخصه على اسمج طبعا نقل كفاله العمال وهذي عفسه فاحسن شي خليها على اسم الكفيل القديم وورقه بيع في المحكمه ابرك لج واحسن عشان المصاريف والوقت
   عاد الصابون اهني الدوخه الكبرى صدق عاد انتي ما شاء الله عليج حرمه والحرمه هي الي تدل وين الصابون السنع

   وكياس البلاستيك الي حيطون فيها الثياب ما يباها شوفي المصنع او المورد الي يتعاملون معه والله يوفقج ويرزقج

   تحياتي

Comments are closed.