مشروع بـ 10000 أدخل وبتفهم

السلام عليكم ورحمه الله وبركاته

كيف الحال عساكم بخير

عندي مشروع أي واحد فيكم يقدر يسويه والربح أكيد لكن الخسارة ضعيفة وكل شيء بتوفيق من رب العالمين
لكن الواحد يتفائل بالخير

المشروع عادي والكل يعرفه

وهو شراء شقق وأراضي في جمهورية مصر الشقيقة (هذا العادي)

اللي مب عادي هو
راس مالي 350.000 (أحسن آخذلي مرسيدس أو بي أم أو شقة أستيديو في دبي)
المهم هذا المبلغ ممكن تاخذ من شقة إلى 3 شقق بس اذا نزلت وخذتلك لفة علشان تلاقي فرص أحسن من
انك تدور شقة من خلال الانترنت وهذا اللي سويته.
خلال بحث مطول من الانترنت لقيت تقريباً 50 شقة وأرض واتصلت عليهم علشان استفسر وافهم طريقة البيع والشراء.
المهم بالنسبة لي ، اني بسافر هذي الجمعة الموافق 6/12/2007 وبرجع إن شاء الله الجمعه الموافق ليلة العيد21/12/2007
مشروعي هو أنك تدفع 5000 أو 10000 بالضمان اللي تريده لكن مب أقل من سنة يعني الشقة ب 50.000 ألف درهم (75.000 جنيه) أدفع أنا 40000 وأي واحد يدخل ب 10000
والشقة اذا كانت مفروشة يعني ممكن تتأجر في الصيف أو للطلبة الجامعيين .
والشقة ماتنباع الا بعد سنة أذا مالقيت سعر حلو أتفق مع الشخص اللي داخل بفلوسه معاي انه لو بنمدد موضوع البيع 6 شهور أو سنة ثانية لازم يكون بكتاب خطي بموافقة الطرفين على ذلك
المهم أنا جمعت مبلغ 40.000 ألف درهم من شخصين المجموع 390.000 ألف درهم
اللي حاب يستفسر يتصلي لأني والله العظيم مشغول ومالقيت فرصة أكتب عن مشروعي ومب قادر اكتب بطرقة أفهم من جذيه لأن النوم كبس عليه(وقت كتابة الموضوع الساعة 12.15 صباحاً)
ملاحظة :
كل شيء بيكون بأسمي

أي استفسار
عيسى القبيسي
0509602030