استفسار غريب شوي ( ليسن دراجه)

8 thoughts on “استفسار غريب شوي ( ليسن دراجه)”

1. أخوي العزيز :
   ليسن الدراجة تروم تظهره من معهد الإمارات بدبي (الطوار)
   1- فتح ملف = 210 درهم
   2-إجراءات المرور 100درهم وإذا عندك ليسن موتر 40 درهم
   3-إذا تبى تمتحن تحديد مستوى 40 درهم إذا نجحت تاخذ 8 حصص وإذا رسبت -لا قدر الله- تاخذ 18 حصة ( الحصة 45 دقيقة ب 45 درهم ولكن هم يحددون الحصص ولكن إذا بغيت بنفسك تحدد وقت الحصص -على مزاجك- تدفع للحصة 60 درهم ) هناك إختبارين :
   أ- المشي على خط دائري على شكل رقم 8 .
   ب- السوق .
   طبعا في كل فرع من الفرعين تاخذ 8 حصص إذا نجحت في اختبار تحديد المستوى يعني 16 حصة .
   4-45 درهم رسوم الاختبار الأول .
   5-45 درهم رسوم الاختبار الثاني .
   6- إذا نجحت تدفع 100 درهم محاضرة إجبارية .
   7- بعد المحاضرة تسير المرور وتدفع 100 درهم . وإذا عندك ليسن موتر تدفع 60 درهم .

   وهاي هي التكاليف واسمحولنا على القصور
   أخوكم أحمد المرزوقي (عندي ليسن دراجة)

2. عزيزي اتجه لأي معهد تعليم السياقه في دبي مثل (معهد الامارات للسياقه او معهد بالحصا او معهد دبي لتعليم قيادة السيارات او معهد كلداري لتعليم قيادة السيارات ) وافتح عندهم ملف يديد طبعا كل معهد فيه فرع خاص بالمرور يعني تنجز فتح الملف والتعليم والفحص كله في نفس المكان ..

   بخصوص الاسعار والله ما عندي فكره

   وبالتوفيق ان شاء الله

3. السلام عليكم

   احب استفسر عن ليسن الدراجات

   وين تحصل مدارس تعليم في دبي
   وكم سعر الساعه
   والتكاليف في المرور للفحص
   واي معلومات اخرى

   جزاكم الله تعالى خيرا

   اخوكم
   Aisia

   وأنا بعد نفس الشي

   جزاكم الله ألف خير :hhhrr5:

   المشكله أنا أسوق بدون ليسن

4. هههههههههههههههههه

   على الاقل تفتك من زحمه دبي

   هههههههههه

   مشكورين وما تقصرون

5. ههههههه
   ابو الشبــــــــاب سمع البث المبـــــاشر اليوم وعيبته فكرة المواطن مال اتصالات اللي يسير الدوام بدراجة عشان يفتك من الزحمة ..

   والله خــــــــوش فكــــــرة سيروا ونحن من ورائكم..

Comments are closed.