أريد التدرب على الفروسية فأين تنصحوني؟!

3 thoughts on “أريد التدرب على الفروسية فأين تنصحوني؟!”

1. نادي الشهامة للفروسية يرحب بفرسان الإمارات ،أبطال الغد إنشاء الله
   لجميع الأعمار
   تدريب الفرسان لسباق المسافات القصيرة
   تدريب الفرسان لسباقات القدرة
   تدريب الفرسان لقفز الحواجز
   المرجو الإتصال على رقم المدرب للإستفسار 0504111823

2. هذه رسالة من صديق لا يملك اسم في المنتدى ويرغب في الرد عليك

   بخصوص الوزن لازم تسال المدرب اذا كان عنده خيل يصلح حق وزنك والا لا

   للاسف بعض المدربين ما يعرفون اذا كان الخيل يستحمل الوزن فوق الـ100 كيلو والا لا، احيانا الخيل تكون عنده مشكلة في الظهر فما يقدر يستحمل وزن فوق الـ95 او بنية الحصان لا تستحمل اصلا هذا الوزن.

   كذلك فان بعض الخيول ترفض الاوزان الثقيله وراح تتعب معاها،خاصة الخيل العربي او خيول السباق (الثربرد)

   اقصى وزن ممكن الخيل العادي يقبل هو 95 كيلو

   لكن فيه خيول اوربيه وزنها ثقيل وتقبل الاوزان الاثقل يعني ممكن تقبل وزن 120 او 150 حتى

   اعرف نادي الامارات للفروسية في ند الشبا ولكن ما عندهم خيول للاوزان الثقيلة انا ما جربت نادي ند الشبا لاني من راس الخيمة وفيه نادي اسمه نادي الحليفي عندهم خيل يقبل الاوزان الثقيلة

   لما بديت اركب خيل كان وزني 122 الحين وصلت لـ104 وحبي للخيل راح انزله ان شاء الله لـتحت التسعين

   بما انك ما عمرك ركبت خيل انصحك اخوي تبدا مع مدرب يعرف كيف يتعامل ما الخيل مب مجرد شخص يعرف يركب خيل

   فيه فرق كبير بين الاثنين لانه المدرب الي يعرف الخيل يقدر يجهز لك الخيل بشكل يناسبك

   لو حاب تخاويني ارسل لي رسالة خاصة

   اخوك بوحمد

3. يزاكم الله خير يامخاوين شما ماقصرتوا بياض الويه والله الشاهد

   الظاهر بالنسبالي بروح نادي ند الشبا على الله بس ماتكون أسعارهم غالية ومناسبة لميزانيتي المتواضعة

   احترامي لجميع المشاركين والأخوة والأخوات

   اخوكم

Comments are closed.