طبعا انا متابع موضوع هالموبايل من شهرين تقريبا !
الموبايل للحين ما نزل في الإمارات و تقريبا في الشرق الاوسط .
اسباب التأخير : اكسيوم يقولون مره بسبب الشحنة و مره بسبب ان السوفت ويير كان فيه غلط
و مره بسبب نزول الآيفون قبله فحبوا انهم يأجلون شويه ! يعني اسباب كثيرة و للأسف غير منطقية نهائيا !
تعال احجز و ادفع 500 درهم يقولون لك بعد اسبوع بتحصل الجهاز بس الحين مر اكثر عن شهرين و لا شميت ريحة الموبايل !
آخر الأخبار اتقول الموبايل بينزل ع اول شهر 11 !!!
الموبايل الصراحة رووعة ، تقدر اتجوفه و اتجربه موبايل حقيقي في اكسيوم
الكاميرا من اقوى ما يمكن hd و في مخرج hd في الموبايل نفسه ..
الموبايل جدا جدا سريع ، طبعا الذاكرة فاضية مش مليانة 
ما نعرف مستوى السرعة بيتم ع حاله و لا لا !
خفيف و حلو شكله و الوانه عديدة و جميلة و غيرها من المميزات الأخرى تقدرون اتجوفونه ع مواقع كثيرة .
العيوب للحين محد يقدر يعرف العيوب و مستحيل يعرف لأن الموبايل للحين محد جربه عشان يعرف عيوبه !
كرأيي الشخصي : انا بصبر لين ما ينزلونه لشهر او شهرين عشان اجوف و اسمع عن عيوبه اذا في عيوب + انتظر لين
ما ينزلون اكسسوارات الموبايل كامل من جلد و كاور و حماية الشاشة …ألخ
تحياتي لكم
آعتقد هذي مشكلة وقت فقط
وخاصة بعد اضافة منصة qt يعنى اي برنامج يعمل على ابل او اندرويد ممكن برمجته بسهوله ليعمل على نوكيا
وان شاء الله الqt راح تتشجع المطورين لانتاج برامج بالاضافة لدعم الشركة
بس الحين شىء كثير من البرامج والالعاب المجانية في الاوفي ستور
موفق بإذن الله … لك مني أجمل تحية .
ماشاء الله علييك مقارنه طيبه
ان اساسا خاطري فنوكيا وطول عمري استخدمه الا مره استخدمت
كاتل وعقب كله نوكياا بش اشوف الكل يمدح الايفون
واتوقع على قداام يعني 10 سنين بتنقرض النوكيا من سوقنا شرا مانقرض الكاتل
والحين الايفون وين ماتسير تحصله العااب وتحصله برامج بعكس النوكيااا
لا اخوي الكاميرا كمثال بسيط جدا عالعموم n8 آكبر من ان يقارن بالايفون
وراح اسوي لكـ مقارنه بسيطه
الايفون 4 نبدأ باالمعالج 1 جيجا هيرتز ال n8 اقل من الايفون بمعالج 680 ميجا هيرتز فقط ولكن يكفي لتحدي الايفون 4 لان معالج n8 لدية معالج جرافيكس قوي غير موجود في الايفون
n8 به أفضل كارت رسوميات في أي جهاز حتى الآن
ايفون4 اذا حبيت نقل ملف او تمسح مثلا لازم ايتونز بينما n8 يمكن بكل سهوله تضيف او تمسح
n8 تقدر تحصل شاحن بكل سهوله حتى شاحن البلاك بيري ممكن تستعمله اما الايفون لازم الشاحن
عندك<< عملي
الشاشه في n8 اقوي واكثر وضوع ونقاء ومب اذا طاحت من على ارتفاع متر تتكسر نفس الايفون + في الان8 تحت الشمس الشاشه وضوع غير طبيعي
n8 يمكن اضافه بطاقة ذاكره خارجية بالإضافه الى الذاكره الداخلية على عكس الايفون
n8 يمكن توصيله بهارد دسك خارجي و بالتالي سهولة في نقل الملفات منه و اليه هل الايفون يسوي هذا ؟؟
الايفون لا يوجد به مالتي تاسكنج حقيقي !!! بينما n8 حقيقي
n8 مخرج اليو اس بي هو الوحيد في أجهزة العالم الذي يسمح بتشغيل تلك المقاطع مباشرة من اي فلاش ميموري او هارددسك
الايفون لا يدعم مكالمات الفيديو ! على عكس n8
الايفون لا يدعم البلوتوث الا من والى الايفون فقط!! n8 يمكن من والي اي تلفون
الايفون اكبر مشكلة القبضه الميتته اعتقد الكل يعرفها
n8 الكاميرا 12 ميجابكسل الفلاش الزينون و تصوير HD الايفون 5 ميجابكسل بس وفلاش عادي!
الفيس تايم في الايفون من ايفون الى ايفون فقط!! في n8 تقدر تتمتع الى اي تلفون
n8 فيه الرايود + مرسل الاف ام وين هذا من الايفون !
الايفون لا يوجد دعم لصيع الريل بلير !!
هذا اللى متذكره الحين
الخلاصه الايفون غير عملي و معقد و محتكر و مقيد
والسسسموحهـ لاني متعصب لنوكيا