السلام عليكم ورحمه الله وبركاته
طبعا انا مانزلت ها الموضوع الا من اللي اشوفه واسمع به من المواطنيين اللي يدورون شغل
يا اخواني فخاطري شي وابا اقوله لكم
ليش انتو تدورون على الوظيفه وبس؟؟
شدو حيلكم واشتغلو شغل خاص فيكم صدقووني مب صعب ولا عيب بالعكس
الحينه ها اللي يشتغلون هنيه وفاتحين محلات ويالسين بها ماشاء الله عليهم الله يرزقهم يكدون خير
ليش ماتجربون ها الشي صدقوني سمعو رمسه مجرب
اشتغلو في البزنس في البيع والشرا
انا الصراحه هنيه فالمنتدى اشوف بعض الاخوات اللي تبيع العطور واللي تبيع الكريم واللي تسوي ديكور
واللي تطبخ وتبيع الصراحه شي حلو ويثلج الصدر يوم اشوف بنت البلاد تشتغل شغل خاص وبزنس
ترا ما يبالها شي والسالفه سهله وايد
انتو شرا ماتشوفون الوظايف استوت نادره وكلنا يعرف ليش مايحتاي نطري ونعيد
سمعو نصيحة اخوكم خلفان كل اللي هنيه اعتبرهم اخواني وخواتي وخاطري يشتغلون كلهم
ويثبتون وجودهم ويترزقون
فكر في مشروع بسيط في البدايه وحاول توقف على ريولك مره وثتيين وثلاث وصدقوني عقب ها الشي
الكل بيتجه للشغل البزنس بس اهم شي تفكر بشي صح وتخطو خطوه صح للبدايه
خلك الحينه من الموتر الفور ويل اللي تبا تظهره من الوكاله وبيزات ها الموتر شغلهن في شغله
تعطيك رزقه طيبه وكريمه والموتر بيي عقب بروحه ويمكن مب موتر واحد الا مواتر وكل شي بخاطركم
المهم الحينه الشغل ونشه الصبح على شغلك وتجابل شغلك ورزقك
اللي يسعى على رزقه وشغله الله يبارك به ويساعده ويفتحها بويها
افتح مشروع صغير وشوي شوي بيكبر اكثر واكثر وترا انتو مواطنين عيال البلاد ماتبون كفيل ولا شي
فكرو شويه بكلامي جان بتمون تتريون الوظايف تييكم الين باب البيت ترا ماشي جي
يقولك في الحركه بركه
يعز عليه اشوف اخواني يبون يشتغلون ومب محصلين شغل
السوق كبير وفرص وايد شغل عقلك وفكر شويه وأأجل اللي بخاطرك عقب من سيايير او سفر او اي شي
واللي عنده شي يبا يطرحه هنيه حياه الله خله يطرحه وبنتناقش به والكل بيستفيد يمكن بنوصل لشي مفيد
سبحان الله ماحد يعرف يمكن اثنيينه يتفقون على شغل معيين او يفتحون مشروع مع بعض
واي شي انا حاضر للجمييع
اخووووي كلامك صحيح 100%
واتمنى الاخوان انهم ياخذوون كلاامك بعين
الاعتبار والله والله الفرص موجووده بس لازم الواحد
يسعى ويتعب اشويه ….ولابد انه يووم من الايام
يرتاح…
تسلم اخويه خلفان وبارك الله فيك
موضوعك في غاية الاهميه
ويستاهل التثبيت
صح لسانك وصدقت على هالرمسه …
لغاية متى واحنا يالسين ونترياهم هم يعطونا كل شي زاهب واحنا ندفع بس …؟؟
لغاية متى ما بنفكر في شي نفيد وطنا فيه ونفيد انفسنا مادياً ومعنوياً …؟؟
لغاية متى واعتمادنا على بضاعتهم وما نفكر نسويلنا شي وطني لنا ولعيال بلادنا ونشوف بضاعتنا تارسه بلادهم …؟؟
لغاية متى بتكون اتكاليين ونكذب على عمارنا ونقول نحن ندلع عمارنا … ؟؟
اتمنى من كل شخص يكون قدرة للمواطنين …
ترانا والله مبدعين ونشيطين وعندنا افكار واااااااااايد حلوه وقوية …
لو كان ناقص التشجيع اتمنى ان الموضوع (بعد اذن اخوي خلفان) ان ينتشر في اغلبية المنتديات المشهورة (ان شاء الله يكون فاتحة خير لكل مواطن عنده مشروع في راسه ويتريا التشجيع يكون له حافز ولو 10%) تراني اعتبرها خطوه كبيره وااااااااااااااااايد ….
اختكم شعشبونه المحبة لكم جميعاً في الله
يزاك الله خير على موضوعك وان شاء الله يكون فاتحة خير للي يدور شغل
وصدق الرسول الكريم صلى الله عليه وسلم حينما قال في هذا الحديث المسند
قال مسدد حدثنا خالد بن عبد الله ثنا داود بن أبي هند عن نعيم بن عبد الرحمن قال
بلغني أن رسول الله صلى الله عليه وسلم قال :ــ
تسعة أعشار الرزق فيالتجارة وقال نعيم كسب العشر الباقي في السائمة يعني الغنم