استنتاج استنتجته من خلال التوقيت الزمني لاعلان صندوق الزواج رفع سقف الدخل الشهري للمتقدمين لصندوق الزواج.

ويمكن تضبط مع البعض صدقوني…

في ثغره ممكن الشباب يستفيدون منها…. والمستفيدين هم الي رواتبهم بتكون اقل 15,000 درهم قبل تطبيق زيادة الـ 70%

الا وهي انهم يطعلون شهادة راتب من مقر عملهم … اي قبل ما تنزل الزياده فالرواتب… حتى لو طلعها بداية السنه الجديده … المهم الزياده الـ 70% ماتكون من ظمن الراتب… لنه في اعتقادي انه هالزياده بتكون فالراتب يمكن من نص شهر واحد او مع بداية الشهر الثاني ( اقصد عالاوراق فقط ) لكن كزياده ماديه بتكون طبعا في نهاية شهر واحد… المهم… طبعا بيكون الراتب اقل من 15,000 بناءا على ان زيادة الـ 70% ما نزلت بعدها فبتكون شهادة الراتب بالراتب القديم واللي هو اقل من 15,000 درهم.

وبهذه الشهاده المتقدم بيكون مستوفي شرط سقف الراتب الشهري. وبيلطم الـ 70,000 درهم

اتمنى اني شرحت الموضوع بشكل مبسط ومفهوم.

واللي ما فهم الموضوع زين انا مستعد اشرحله مره ومرتين و ثلاث… بس ترا مافي وقت اهم شي الواحد ايطلع شهادة الراتب قبل ما تنزل الزياده في راتبه… بس فبداية سنة 2008 بناءا على ان صندوق الزواج بيفعل هذا القرار من بداية السنه على حسب كلام الوزيره. واكيد بيطلبون شهاداة الراتب بتاريخ السنه الجديده.

واذا هالاستنتاج طلع في مكانه… ما اوصيكم كل واحد بياخذ الـ 70,000 يتذكرني عالاقل بـ 10,000 ههههه… سوالف… يتذكرني بالدعاء فقط.

7 thoughts on “ثغره في قانون صندوق الزواج في رفع سقف الدخل الشهري ممكن للشباب الاستفاده منها مهم جدا”

  3. انت نسيت نقطه مهمه لانك اذا قدمت اليوم بتيك الموافقه بعد 3 او 6 شهور وسيطالبك الصندوق بشهادة راتب جديده لشهر 4 او 7 متى مايطلع اسمك ويتوهق صاحبنا ومايستلم شي الا اذا سقط سهوا

  4. انا بقوولك ويين المشكله يا خويه

    انا مالج في شهر 9 سنه 2006

    سرت وقدمت على صندوق الزواج مع ان القرار نزل في شهر 11 2006 قالولي خلاص ماشي فايده لان الوزيره عدلت القرار وكل الي مقدمين في سنه 2006 ورواتبهم اكثر من 10.000 ما يستحقون المنحه

    جلبناها يمين يسار ماشي فايده

    واحد من ربقعي راتبه 9000 وشوي

    قلتله سير تلاحق عمرك

    وسار الحبيب وقدم على المنحه

    لكن وين المصيبه

    ان يوم طلع اسمه في اخر دفعه

    كان راتبه واصل 10.200 درهم
    تخيلو ان طلبو منه شهاده راتب تكون بتاريخ صدور المنحه او بعده ويطلبوون كشف حساب من البنك
    المهم يابلهم

    وقالوله ماشي منحه لان راتبك تعدى ال 10.000

    وارحت عليك يا صاحبي

    لكن انا بقوولكم شو استنتجت من هالموضووع

    بعد الزياده الكريمه من الشيخ خليفه الله يطول ف عمره

    تقريبا اكثر من 80 او 90 بالميه من مواطنين دوله الامارات بتكون رواتبهم اكثر من 15.000

    يعني صندوووق الزواج بيكوون يخدم فئه قليله دا
    اما بخصوص برنامج زايد للاسكان
    ف بيكون قرض وتقريبا محد بيستلم المنحه

    وهذا كلام من عندي

    استنتاج بوميوود محد يقولي ويين المصدر

    والسمووحه

Comments are closed.