السلام عليكم ورحمه الله وبركاته
كيف الحال؟؟عساكم طيبين ..
شفت مقال في جريدة وصدق ما عليه كلام
ويبين حال بنات هالزمن ..
والله يعين ع الايام اليايه..
والسموحة
المقالة:
يعني نفصخ عبينا؟
أنا ماأدري هالموضة تمشي لوين؟ موضة العبي”العباءة” اللي تضحك من بهرجتها وتخريفتها. نعم قاموا يخرفون في تصميمها بشكل صارت أي تقليعة غربية مستهجنة، ستايل عند البنات. والموضوع حصل بالتدرج؛ أولاً العباة الفرنسية، بعدين المبندة المخصرة، وبعدها المخصرة جداً جداً من زنود البنت لين آخر طرف يلمس الأرض، وعقب الفراشة، البعوضة – أقصد الحوت -، أم كم منفوخ، والحين: اللاعباة واللا شيلة.
اللي ما يجاري الموضة ينحط صفر عالشمال، والبنات اللي يتحرن أعمارهن هاي كلاس وآخر ستايل يكونون في تجمعات منعزلة، ويميزن عمارهن بالشي الأسود اللي لافات عمارهن فيه مع قصات غريبة، ونظارة ماكلة الوجه والقصة المصبوغة على جنب وسنام البعير، أما ما تحت العباة معروف على طول ما في غيره: قميص عاري وبنطلون“low waist” جينز. نعرفهن على طول لأنهن بصريح العبارة يذكرني أنا وغيري بملابس الفنتازيا اللي يلبسوهم في السيرك، ماشي فرق، واللي حضر سيرك الشمس اللي جابوه في دبي السنة اللي طافت بيلاحظ وجوه الشبه السبعة.
يعني باكر لو نفس هالنوعية من البنات طرحوا لهن فكرة فصخ العباة بالمرة مع الشيلة بتلقى نسبة مرتفعة منهن بتأيد هالفكرة لكن يبغن تشجيع شوي. كلامي هذا مب افتراء، لأن في بنات عقن العباة.
أنا ماأدري هالموضة تمشي لوين؟ موضة العبي”العباءة” اللي تضحك من بهرجتها وتخريفتها. نعم قاموا يخرفون في تصميمها بشكل صارت أي تقليعة غربية مستهجنة، ستايل عند البنات. والموضوع حصل بالتدرج؛ أولاً العباة الفرنسية، بعدين المبندة المخصرة، وبعدها المخصرة جداً جداً من زنود البنت لين آخر طرف يلمس الأرض، وعقب الفراشة، البعوضة – أقصد الحوت -، أم كم منفوخ، والحين: اللاعباة واللا شيلة.
اللي ما يجاري الموضة ينحط صفر عالشمال، والبنات اللي يتحرن أعمارهن هاي كلاس وآخر ستايل يكونون في تجمعات منعزلة، ويميزن عمارهن بالشي الأسود اللي لافات عمارهن فيه مع قصات غريبة، ونظارة ماكلة الوجه والقصة المصبوغة على جنب وسنام البعير، أما ما تحت العباة معروف على طول ما في غيره: قميص عاري وبنطلون“low waist” جينز. نعرفهن على طول لأنهن بصريح العبارة يذكرني أنا وغيري بملابس الفنتازيا اللي يلبسوهم في السيرك، ماشي فرق، واللي حضر سيرك الشمس اللي جابوه في دبي السنة اللي طافت بيلاحظ وجوه الشبه السبعة.
يعني باكر لو نفس هالنوعية من البنات طرحوا لهن فكرة فصخ العباة بالمرة مع الشيلة بتلقى نسبة مرتفعة منهن بتأيد هالفكرة لكن يبغن تشجيع شوي. كلامي هذا مب افتراء، لأن في بنات عقن العباة.
إيمان أحمد
وشهد شاهد من اهلها
الحمدالله ان كاتب المقال سيده وليس من جنس الرجال
ولا كااااااااااااااااان تقطع تقطيع
شكرا خواتي على غيرتكم………. وفعلا البنات البعض منهم تتحرى يوم تلبس هالنوعيه انها اتكون هاي كلاااااااااااااااااااااااااااااااس ما تعرف انها داون كلااااااااااااااااااااااااااااااااااااس
الله يستر علينا وعلى من طلب الستر
والله هاي هب عبي مستويه مهرجان متحرك
اصلا العباه مخترعينها للستر هب للفت النظر …. اذا كانت سايره حفله ولا عرس برايها تروم تفر عباتها طول …… بس برع في الشارع ولا الدوام
تحصل الوحده ماشيه كنها (شجرة العيد) باقي تركب ليتات وتمشي
واذا ينا ع الشعر واللبس الي تحت العباه ….فهذا شي عادي اذا كانت البنت نفسها ما عندها رقابه داخليه ع عمرها بتسوي اي شي
اللهم استرنا فوق الارض وتحت الارض ويوم العرض
شكرا ع الموضوع
صح لسانج ياختي ماجذبتي في شي
والله ماخفي اعظم والواحد ياناس شوفوا بناتكم وخواتكم وحريمكم شو يلبسون
لاتعطون الخيط والمخياط تراه العباه بدايه الدمار اليوم بعباه وباجر بما هو امر
الله يهدي لجميع يارب
الله المستعان … الله يهديهم ويصلحهم …
كل وحده تحشم عمرها ..
والكلام مش للك للبعض للعارفه عمرها انه تسوي هالمنك ر