يا أخوان نصيحة في الفوركس هذا السوق يحتاج لرأس مال كبير عشان تحافظ على رأس مالك في حالة إذا عكس السوق ضدك. إذا كنت داخل برأس مال صغير من 10 -50 ألف دولار فأنت نفس لي يشتري على المكشوف في سوق الأسهم يمكن يربح مبلغ كبير أو يخسر.
عندنا في الإمارات شركات وايد تشتغل في هالمجال لكن لو سرت لأي شركة وطلبت منهم وسيط بتحصل عندهم أشكال وأنواع من كل الجنسيات بس للأسف ولا واحد منهم فاهم شي في الفوركس لأنهم من اخر الكلام كلهم نصابين لو فيه واحد منهم فاهم هالسوق جان اشتغل لعمرة وماسار يشتغل للناس بس للأسف كلهم يدورون الفايدة حتى لو بخسارة العميل.
أنا من 97 دخلت مع شركة ف ابوظبي وخلال شهر خسرت 30% من المبلغ وطلعت لكن الفوركس مثل المخدرات لي يجربه يرجع له طمعا في إرجاع الخسائر الماضية المهم رجعت من 5 سنوات وفتحت مع أكثر من شركة في دبي وأبوظبي ولكن للأسف ماتقدر تحصل على وسيط واحد عنده خبرة في هذا المجال فنصيحة ياأخوان انكم تستثمرون في أي شي غير هالمجال لأنه بالنهاية مستحيل ماتخسر فلوسك والي عنده حساب واستفاد منه احسن له يطلع اليوم قبل باجر.
إذا حد عنده أي سؤوال عن الفوركس يسأل وإنشاءالله بجاوبه والسموحه على الإطاله….
9 thoughts on “نصيحة في الفوركس”
Comments are closed.
الله يعينك العيناوي للأبد :exclamation:
شوووووووووووووووف حبيبي ماله خص راس المال اذا كان كبير أو صغير :heart:
ادرسها العملة عدل وكثر من عقود الشراء لكن تحذر اذا انقلب السوق.
أنا في اليوم تقريبا أدخل 300 دولار بالحساااااااب المصغر ….ماشي على خطططططططططططططططططططه مفبركة أنا والخساير بينا تتتتتتتتجججججججج
صحيح الخساره موجوده بس لازم تعرف كيف تسيطر عليها..
وصبوووووووووووووووووع أيدك مب وحده ومخ عن مخ يففففففففرررررررررررقققققققق
بس لا تنسى الصبر وهاي الكلمة حط مليوووووووووووون خط تحتها……….
أخوي ما اعتقد فيه موقع يعطيك تحليل اسبوعي صحيح 100% ولا حتى 60% التحليلات الصحيحه تكون شهريه او سنويه وانت داخل ب10000 حسابك مابيستحمل ارتدادات شهريه بعدين انا اقولك مجرب هالشغله من زمان خسرت وربحت تعرف انا في ليلة وحدة والله يعني خلال 24 ساعه ربحت 9000دولار وتصدق قبل فتره كان عندي يورو/ين كنت بايعنه على عدة مستويات وحسابي فيه 60000دولار تعرف يوم وصل 140.50 كانت هذي الهاي مال السنه تعرف كم كان برصيدي؟
والله العظيم ياجماعه كان فيه 2800دولار وخلال 5ساعات رجع لحساب ل30000دولار وبعده باسبوع صار الحساب 69000دولار وطلعت وقلت خلاص مستحيل ارجع لهالشغله لانه لو مارحمة الله جان الحساب باقيله تقريبا 30 نقطه وبيكون 0 والجميع يعرف اليورو/ين كيف يتحرك .
أنا يأخوي مااريد احبطك لاكن انا مريت بهالتجربه ولو شفت فيها فايده جان مبتكلم هالكلام اذا انت مستفيد في هالمجال اباك تنتبه له أكثر وتفكر في أكثر اذا كان صدج مربح ولا تضييع وقت بس وبعدين دامك مصر عليه لي رجاء عندك لاتدخل بدون ستوب لوس لانه سوق ماله امان جرينسبان كلمته تحرك اقوى اقتصاد بالعالم وانتبه للأخبار تعرف سنة 2003 اعتقد شهر 10 بعد اجتماع دبي الين فاتح يوم الاحد بالليل الساعه 12 يعني او دوام بالبورصات السنغفوريه كان نازل 200 نقطة ولو ترجع للشارت بتشوفها بعدها واضحه للجميع كان كاسر ال 115.50 تحياتي للجميع وأسف على الإطالة
السلام عليكم
كلامك اخي الكريم صحيح مليون في المية بس عندي تعليق بسيط
ماحك جلدك مثل ظفرك
بمعنى اذا انت تشتغل في الفوركس بروحك فتقدر تطلع 20-30 في المية على المضمون
وياكثر المواقع اللي تعطي توصيات صحيحة بعد دراسة وتحليلات
اما اذا عطيت اي بروكر او اي شخص ثاني مابسال عنك لانه عينه على العمولة اللي ياخذها منك سواء ربحت او خسرت
اللي يشتغل ب 10000 نفس 50000 نفس المليون
هذا يعتمد على كم المبلغ الذي تتاجر به من راس المال
الاضمن والافضل 10 في المية من اي راس مال لانك بتكون في السيف سايد
بعدين في ملاحظة بسيطة اللي بيدخل ب 50 الف دولار مثلا وبيفتح عقد واحد بالف دولار (1 لوت )
هل تتوقع ان يكون العائد مرضي بالنسبة له
طبعا لا لانه في الشهر يمكن مايطلع 5 في المئة
هذا رايي الشخصي واختلاف الراي لايفسد للود قضية
السلام عليكم
مرحبا عيناوي وشكرا على النصيحه…ويااااااااااااكثرهم وما وراهم غير الخساير
الحمدلله ما فكرت استثمر في الأمارات وانا منها انا اول ما بديت الفوركس على طوووول فتحت لي حساب في شركة أمريكية
http://www.fxcm.com
والحمدلله خدماتهم زينه وماشي نصب واااااااااااااااااايد يمدحونها
أفضل العملات العالمية على المحلية
لان الشغل هناااااك حاااااااااااااااااااار مو مثل هنيه عندنا والعملة هناااااك ماشيه زين
وشكرا
السلام عاد والله اني امفكر ادش فيه بس مادري ليش متردد حاس في شيء موطبيعي وشكرا اخي علي هنصيحه ماقصرت وانشاله الله بعوضك بورصة هلي وخلاني دبي الحبيبة الجميع وبالتوفيق