السلام عليكم ورحمة الله وبركاته
وشحالكم عساكم بخير
امسااات كنت في القريه العالميه
… واذن علينا المغرب .. وسرنا مصلى الحريم ..
قالوا بنصلي جماعه
قلنا جماعه جماعه
ناجر فيها اكثر
واصراحه كان صوت المطوع نص نص يعني ينسمع وما ينسمع … حتى كان يقرى الايات وانا اقرى وراه بس فجاه يختفي الصوت ويرد
المهم حتى يوم نركع ويوم نسجد
ما نسمع يوم يكبر يعني حسيت بضيقه شو هالصلاه ماشي صوت ليش مب حاطين سماعات عند مصلى الحريم
اخر ركعه ما قمت اسمعه يعني ركعت بروحي وسجدت بروحي واللي في سيدي ويايه يوم يشوفوني ركعت ركعو سجدت سجدو سلمت بس يوم سلمت سمعته يسلم واختفى صوته
طلعت اتحرطم اقول شو هااا 
زختني العيوز قالتلي ياامي القبول عند الله .. قلتلها ونعم بالله طال عمرج بس ما نسمع اصوت ولا شي.. كنت بحبها عراسها بس استحيت 
وااايد طيبه .. وانا عشقي مجابل العيايز
عقب قالتلي ربيعتيه اونه اصلا ما يستوي لانه المسيد مكان ثاني
ف السؤال .. هل ارد اعيد الصلاه مره ثانيه؟؟ واذا اعيدها كيف انويها ؟؟
ولا اني ما اصليها
واللي يعرف يفيدني .. والي ما يعرف يستفيد
ولكم جزيل الشكر ..
اختكم
سلبت الروح
حسب علمي
لا يجوز ان يسبق المصلي الإمام
ولهذا السبب الإمام يكبر بعد ان يتحرك للسجود او القيام من السجود او الركوع وليس قبل ان يتحرك تحسبا من أن يتحرك قبله احد المصلين فتبطل صلاته
كلامي مجرد معلومات أعرفها وليس فتوى
والله أعلم
عادي اختي اذا ما سمعتي صوت المطوع زين وكملتي صلاتج اهم شي النية
عفوا
ان شاء الله أكيد بستفيد بس الحمد لله انه ربي خلقني ذكر
شكرا … بس اتمنى اذا لقينا الجواب ال 100% تستفيد منه
والله مابفتي من عندي
أرجوا من له درايه وعلى علم بالدين يتفضل ويجاوبج شاكرا له