بسم الله الرحمن الرحيم
السلام عليكم ورحمة الله وبركاته
لو سمحتوا إخواني كنت أبا أسأل عن عملية ربط المعدة أو عملية البالون
هاي العمليات لتخسيس الوزن
هل في حد جرب حد من هالعمليات
او يعرف حد مجرب
وشو أحسن مكان
وهل النتايج زينة
وهل شي آثار جانبية
ووين أحسن مكان يسووون هالعملية
وكم تكلفة العملية
وشكرا
إخوكم
فارس الإسلام
واحد من الاهل مسوي ربط وضعف وايد وللاسف احين ما يقدر ياكل عايش على السوائل
وحده من اهلي سوتها واهي مريضه مب علشان رجيم اخوي احمد ربك بس لنعمه الصحه ترى والله مب هينه تاكل اكل ولا الاطفال ياكلونه قليل وايد وكله ترجع من غير الالم شو مكلفنك تخسر صحتك ونفسيتك تتعبب علشان رجيم ماشي احسن من الرياضه نفسيتك بتتحسن وتحس الي تسويه شي مفيد للصحه ولتفت لبرنامج صحي وانت والخير رباعه
نصيحه لا تسويها مضره مضره مضره ومافيها اي اثر جانبي كله سلبي
والله مانصحك
واحد سايير وسوا عملية ربط …. وتوفى الله يرحمه
انصحك بالريجيم والرياضة لمدة ساعة في اليوم
وشوف النتايج حتى لو كانت على مدى طويل
لكن افضل من هالعمليات
كم وزنك اخوي.
خلك من هذا كله وامشي ساعة في اليوم, منها تخوز الاكل البايت في البطن ومنها تنشط الدورة الدموية اللي في جسمك.
ان ما قدرت عالمشي ساعة, نص ساعة مشي ونص ساعة سيكل.
وشوف كيف بتحس بنشاط و يخليك تبا تركض في نص الليل.
اما اذا كان وزنك زايد بشكل رهيب لدرجة انك تحتاج عملية فهذا شي ثاني.
هذي مشكلتنا, نبا الشي بالسهل, ناكل ونشرب ونرقد وماشي حركة, التنقل كله بالسيارة حتى للمسد بالسيارة ومتعايزين نسيره. ما اقصدك اخوي, اقصد البعض, وعشان جي شوف المصابين بالسكري كم نسبتهم فالبلاد. والله المستعان.
تبون النصيحه لا هذا ولا هذاك
خلك ابعيد من هاي المصايب والله الي اعرفهم مسوين كلهم حالتهم الصحيه مدهوره على الاخر وانصابو بامراض اعوذ بالله منها..
الحـــــــــــــــــل الوحيد هو:
امــــــــــــــــــــسك ايديك عن الاكل
والسموحه منك