مسابقة ( تحبني ولا تحب الدراهم )

قبل شوي شفت مسابقة في قناة اجنبية .. و المسابقة حلوة عيبتني … يسألون مجموعة مختارة لو عطيناكم مبلغ مالي شو بتسون فيه …
وعقب كل واحد يكتب لستة في الاشياء اللي في خاطرة بها المبلغ ,,, و الجمهور عقب يرسل مسجات و يرشح واحد للفوز بالمبلغ ..كشخه وكل واحد منهم يسير الاماكن اللي يبا يشتري منها اشياء ,,,,

بنطبق هاي المسابقة في المنتدى …يعني اللي يرشحه الاعضاء بيحصل المليون .. في حسابة

يعني مثلا .. لو شفتي او شفت في حسابك مليون درهم .. هدية بالحلال طبعا .. شو بتسوي فيها
ببدا عن نفسي … لو حصلت مليون … بكتب لكم اللسته
1- ببني مسيد في احدى دول آسيا بــ 25 الف .
2- بسوي منتدى حقي برووحي علشان محد يحذف مواضيعي و احط دعايه على كيفي ب 10 آلاف
3- بشتري اسهم جمعية الاتحاد ب 200 الف
4- بغير سيارتي بشتري المرسيدس اليديد ب 290 الف درهم
5- بشتري رقم مميز ب 30 الف …
5-بعرس ب 200 الف .
6- بركب تقويم مال عيال عز بو ثلاث الوان ( ب 50 الف )
7- بسافر بمبي و بانكوك سياحة وبمشى بادي قارد وراي بـ ( 30 ) الف
8- بسكن في شقه المرسى سنة وحدة عن خاطري ( 100 ) الف
9- باقي 75 الف بدفعهم حساب لراعي الدكان والكافتيريا ,,,