السلام عليكم و الرحمه
صبحكم الله بالنووور و السروووووور
شخباركم ان شاء الله بخير
الموهيم
اليوم صار لي موقف ..و بالرغم من اني اعرف هالحقيقه..لكن سماعها من شخص من موقع الاحداث زعلني وايد
بتقولووون شو السالفه
اليوم واقفه عند بيت ربيعتي اترياها تظهر عشان نسير نحاوط
و في ذلك الحين شفت اختها توها يايه من الدوام
اختها دكتوره في احد المستشفيات الحكوميه ..سلمت عليها و اشوفها متضايقه و ماده البوز
قتلها بلاج يا فلانه جيه؟؟
قالت والله مستشفى ****<< شفرنا لووول ..يعني اللي هي تشتغل فيه
الموهيم
قالت والله المستشفى الفلاني يجتلون الناس!!
انا بققت عيني خصوصا هالكلام يصدر من دكتوره في المستشفى..قتلها كييييف و شقااا
قالت ما يفحصون المرضى و لا يهتمون فيهم ..يعني يخلونهم يموتووون..والله انه مقصب<< هذا كلامها
و يوم يموت المريض و يخلص..يزقرونا << طبعا لانها دكتوره يديده فأظن الدكاتره الجدام او الاستشاريين على ما اعتقد جيه اسمهم ..هم المسؤولين الاساسيين عن المرضى
و ما كان لها مزاج للكلام و سارت عني
انا اعرف هالامور من قبل و لو يذبحوني ما حطيت ريلي في مستشفى حكومي ..لكن هالكلام يصدر من دكتوره في المستشفى زلزلني
وين المسؤولين عن المستشفيات<< او بالاحرى وين ضمايرهم؟؟
كيف انسان ما عنده حس مسؤوليه و لا ضمير يوصل لمنصب في المستشفى لدرجة يكون مسؤول عن ارواح الناس و هو مستهتر لهالدرجه؟؟
حتى لو كانت هي دكتوره يديده و عندها ضمير و حماس لانقاذ ارواح المرضى و غيرها من الدكاتره..ليش ما يفتحون لهم المجال لمساعدة الناس؟ اشخاص معدودين كيف بيقدرون ينقذون مستشفى كامل اذا باقي موظفين و دكاتره المستشفى ما عندهم استعداد للتعاون..و يشوفون ان موت المريض هو اسهل حل؟
وين الغلط و منو المسؤول و كيف و ليش و شحقه؟
اسأله مالها أي اجابه
مب كل المستشفيات الحكوميه جي
الحمد الله والشكر عندنا مستشفيات
صح كلامج … انا ريلي كانت مكسوره العام ويوم سرنا مستشى راشد خيسوووونا 4 ساعات … لين ما قمت انغزهم عقب احتشرنا شو يعني بنبات في المستشفى … ونحن داخلين الطواري يعني شو لازم تكون في حركه شرق وغرب ناس ترابع مب ناس اتمشى واتضحك
ونفس الشي يوم اخويه سوا الحادث ويا ولد خالتيه قالوله سير ما فيك شي ولد خالتيه رقدوه شهر بس جيه لين ما سفروه وعقب سبوع ياهم اخويه قالهم ايدي تعورني ما اروم احركها سارو وجبسوله اياها غلط… وعقب قالو بنسويلك عمليه سالفة اصياخ وبراغي … والعمليه غلط … ولا بعد هذا ما فيه مخ قالوله بنرد نسويلك العمليه مره ثانيه … بس هالمره بنشل عظمه في الورج وبنحطها في اليد ؟؟ وكان بيسويها خخخخ بس حصل كمن هزبه من الوالده وسافر برع وسواها .. قاله الدكتور انته ايدك خلاص ما بتتعدل بس برد اسويلك نفس العمليه لانها كلها غلط يعني ردت ايده بس مب مثل قبل …
ونفس الشي امي في مستشفى الوصل بعد … ترمسهم ماشي فايده لين ما ياهم اتصال من عند حد من الشيوخ ولا ما تحركو ابدا .. ويوها احسن الدخاتره والممرضات .. ولا جان ماتت جدام عيونا …
الحكومه ما قصرت ودفعت وبناءت وجهزات لكن المشكله في الاطباء .
طيب الي ما عنده فلوس حق الخاصه شو يسوي في نفسه .
الخاص م سلم هو بعد من بعض المشاكل …
وين الغلط و منو المسؤول و كيف و ليش و شحقه؟
بننتظر الإجابه
في انتظار التشكيل الوزاري الجديد
وماخفي اعظم!