السلام عليكم

اخواني ادور على مرسيدس 320 او 500 اس موديل 2000 او 2001 بحدود 60 الى 65 ويكون نظيف بدون خرابات

المعارض طالبين اكثر بشوي لاني عارف انهم شارينهم بهالسعر عشان كذي قلت احط موضوع في المنتدى يمكن حد من الاخوان عنده ويبى يبيع

6 thoughts on “مطلوب مرسيدس 2000 او 2001”

  1. لاهب غلطان يخوي

    انا اعرف الريال معرفه شخصيه هب اني سمعت من حد

    مرسيدس خليجي عنابي ا س500 ب65 الف قالي ماشي 200 وشوي

    المشكله انه هب مهتم فيه يعني من داخل التخشيب طالع وشوي مكسر والجلد الي عالطبلون من كثر مايوقفه في الشمس استوى مرفوع يعني مثل المجلوع

    وليتات السقف مكسرينها عياله وشاشة المكيف الي ورى مكسوره مادري ضاربينها بقب والا بحصاه هب مهتم فيها موليه ومن برع السياره ولافيها اي شي لاحاودث ولاصبغ ولاغيره ماشالله من برع كس من داخل تماما …….

    والمعرض قال 73 موديل 2000 حجم 320 اس
    يعني تتوقع شاريها ب70 ؟؟ مستحيل طبعا تلقاه شارينها ب65 او اقل

    على العموم اشكركم على ردروكم الطيبه ياجماعة الخير

    والف شكر

    لو عندي 80 او 90 الف هب مينون اشتري سياره موديل 2001 مهما كانت مواصفاتها ونوعها باخذ ستيشن 2004 او كامري 2008
    والا اوريون 2008

    ولو حد عنده لايبخل عليناا

  4. يالطيب انته غلطان انا عندي واحد حجمه 500

    2001 موديله اللون ابيض دفعولي فالمعارض 80000

    درهم ولابعته لان نفس اللي عندي يبونه

    95000 درهم واللي عندي انظف عن الموجود

    فالمعارض بوايد وماشي اقل .

Comments are closed.