السلام عليكم ورحمة الله وبركاته
أخواني مواطني دولة الإمارات العربية المتحدة
أبناء زايد
المخلصين والأوفياء
تحياتي لكم جميعا وتقدير خاص مني يامن رفعتوا إسم الإمارات عاليا في السماء وبيضل مرفوووع مرفووووع وللأبد بإذن الله
الموضوع وما فيه يا أخوان أن الحديث كثر عن المواطن وعن وهمومه اليومية الي نشوفها في الجرايد والمنتديات والأستديوهات وفي كل مكان وحتى الي يشوفنا من الجنسيات الثانية أو يسمع عنا يقول هذيل مب عايشين وكأنهم فقراء لا يملكون شيء وهذا واحنا في بلادنا.
حتى الناس الي من الجنسيات الأخرى بيقولون مسكين يا المواطن وحتى بيضحكون علينا واحنى ساكتين مثل الي ما نعرف شي وكأنا من العصر الحجري والله يعزكم. وهذا الشي بعد بيخلي الناس يفقدون الثقة بالمواطن.
والشكاوي الدائمة هذي بتظهر ضعفنا أمامهم.
يا أخواني الكلام عن الهموم ترى صدقوني لا بيأخر ولا بيجدم وبنظل احنا مثل ما كنا وفي نفس مواقعنا والناس في تقدم.
أنا ما أقول أنا لازم انتم ساكتين. أنا الي أقصده أن بعض الأشياء ممكن نتكلم عنها والبعض الآخر ممكن إحنا انحله والحل بيدنا.
يا أخواني: ترى إحنا انعيش في دولة تعتبر من أفضل دول العالم من حيث الإهتمام بالشعب. والحمدالله الدولة في تقدم بقيادة صاحب السمو الشيخ خليفة بن زايد آل نهيان وأخيه صاحب السمو الشيخ محمد بن راشد المكتوم. والحمد لله الدولة مو مقصرة في توفير الخدمات المجانية للمواطنين وذلك من الخدمات الصحية والتعليمية وبناء المساكن وأيضا الرواتب. يعني والحمد لله عايشين في نعمة والله يديمها علينا ويحفظها من الزوال قولوا آمين.
الهندي يجي من بلاده ما عنده شي ويطلع من الإمارات عنده ملايين وإحنا عندنا أموال ورواتب عالية وفي بلادنا ومب قادرين نطلع بشي وهذا هو موضوعي الي أبغي أتكلم فيه.
المطلوب منا جميعا أن لا نقف عند مشكلة معينه ونناقشها لسنوات ونحن عند نفس النقطة. المطلوب أن نحرك عقولنا وأموالنا ولو كانت بسيطة ولكن كبيرة أمام الشخص من الجنسيات الأخرى. يعني والحمد لله عندنا رواتب متميزة ونقدر من خلالها أن نبني مشاريع ولا تنسوا أنا في دولتنا وعلى أرضنا وكل المقومات عندنا وبهذي الطريقة نقدر نحل مشاكلنا وما نخلي الناس تستهزء بنا. فالمواطن له عزته وكرامته لأنه إبن زايد وإبن هذي الأرض الحبية.
ومثل ما قلت لكم ترى الشكاوي والكلام و الهموم مهما طالت فلن تحل المشاكل وبنظل متأخرين والناس في تقدم.
فكروا يا أخواني وكلنا يد بيد وانا حاضر من كل صوب وإنشالله نتغلب على مشاكلنا. وربي يديم النعمه والخير ويحفظ بلادي من كل حاسد.
أخوكم
Fxman
فعلا يا اخوي اصبحنا اتكاليين
ويوم يتنا الزياده للاسف الكثير منا استغلها في غير محلها الصحيح الاغلبيه اشترت سيارات فوق الفخمه واللي عنده سياره واوكي بعد راح وغيرها
يا جماعه الزياده للمستقبل وللاسعار اللي زادت يرد عليك ويقولك كم بعيش!؟
الرفاهيه مب بالسياره وبس
الرفاهيه ان بيتك ما عليه اي قصور من ماكل ومشرب
الرفاهيه انك تعيش مرتاح بلا ديون وبلا ربا والعياذ بالله
صحيح أخوي لين متى بنظل واقفين في نفس المكان وغيرنا وصل لأكثر مما كان يطمح ..
ليس الجميع .. ولكن البعض أو الأكثرية .. حتى انا من ضمن هذه المجموعة للاسف .. لكل شي مفتاح سواء كان النجاح في العمل ، الدراسة، العلاقات ،،،، لكن وين بنلاقي المفتاح هذا !! وهل ممكن نتسلّف المفتاح من (الهندي اللي نجح ووصل لغايته) !! ولّا لازم لكل شخص يكون له مفتاح خاص فيه ؟!!
يقولون ان الانسان يصنع النجاح .. وباعتقادي إنك لازم تصنع المفتاح قبل .. يعني مستحيل تلاقيه جاهز .. لازم تصنعه بنفسك .. ولكل مفتاح خلطة خاصة فيه ومكونات..
شو برايكم مكونات مفتاح النجاح ؟!!
……………………………………….
تدري إنك طحت على الجرح ،،
برجع للموضوع في وقت لاحق
والله انك ييبتها عالعوق…..
تسلم على هالموضوع اللي أكثر من رائع
كل الشكر والتقدير
أشكرك على طرحك هالموضوع المهم واللي جت متأخره شوي … انا هاليومين كنت افكر في الموضوع ..لأن استوديو واحد هالاسبوع موضوعهم كان عن القروض …. والصراحة انقهرت من الشباب اللي يتصلون ويشتكون ان عندهم قروض وما يقدرون يسددون وفي منهم يطلبون مساعدات وغيره….
السؤال الين متى نحن بنكون اتكاليين ونعتمد على الحكومة , والحكومة ما مقصره مع مواطنيها ,,,,
ويا أخواني نصيحة , استغلوا الزيادة اللي ياتنا في الادخار والاستثمار وخلونا نستفيد من خيرات البلاد مثل ما يستفيدون الاجانب
واللي يتبع سياسة اصرف ما في الجيب ويأتيك ما في الغيب ويتسلف ويتكشخ وغيره بكيفه, يتحمل الاعباء ويصبر وما نباه يكون شكاي,لان الدولة تصنع رجال..
بعدم غض النظر للعائلات فعلا محتاجه
والسموحة
الي هو انته لكون موضوعك يعاجل كثير من المشاكل المتعلقه بالمواطن
وتكمن في الاقتناع بنفس
وتطوير الموارد ..
وعدم انتظار مراسيم لتحرك خطواتنا المستقبليه
واشكرك بحبر الوان العلم