شو الفرق بين 225 سوزوكي 4 ستروك و225 ميركوري 4 ستروك

8 thoughts on “شو الفرق بين 225 سوزوكي 4 ستروك و225 ميركوري 4 ستروك”

1. السلام عليكم
   مرحبا فيكم .. تسلم يا خوي الذيب و اخوي مواني على الآفاده الممتازه ..

   بعد ما سألت و أستفسرت من بعض الا خوان كان رد اغلبهم نفس الرد تقريبا …..انا كنت بركب 225 ….
   4ستروك سو زوكي قلت عشان الصوت و الصرفيه والسعر بس اخوكم اغراه سعر الميركوري و الضمان و القوه في 200 ميركوي اوبتمكس و ما عليها اجر تركيب نفس السوزوكي…. ف قلت اذا على الصرفيه انا ما بطلع فيه طلعات طوليه يعني الا اهنيه في بوظبي و الصوت ما بيكون وايد مزعج فقررت اخذ الميركوري 200 اوبتمكس…….

   و في النهايه اشكركم شكر جزيل و ماقصرتو

2. السلام عليكم

   لا هان اخوي الذيب ولكن انا لي وجهة نظر مخالفه حبتين واسمحلي طال عمرك

   بالكويت استخدمنا جميع انواع المكائن البحريه سواء التو ستروك او الفور ستروك وكذلك المكاين الداخليه واتضح لنا التالي طال عمرك :

   المرتبه الاولى (( السوزوكي الفور ستروك ))

   مميزاتها :

   1- خفيفه
   2- مصرف البانزين ممتاز جدا ويتفوق على باقي المكاين
   3- سعرها رخيص نسبيا
   4- متوفره بجميع الاحجام المطلوبه

   عيوبها :

   1- الكفاله لمدة سنه واحده فقط
   2- بعد فتره من الاستخدام ينخفض عزم الماكينه شويه
   3- صوتها عالي حبتين لما يدش الضغط فيها فوق ال4 درجات

   بالمرتبه الثانيه (( الميركوري فيرادو ))

   مميزاتها :

   1- قوه جباره
   2- القير عالي الجوده
   3- كفالتها 3 سنوات
   4- صوتها معتدل

   عيوبها :

   1- بالدفعات الاولى كانت في مشاكل بالكمبيوتر الخاص بالمكائن وسبب انخفاض قوي بعزمها وعند مراجعة الوكيل اكد لنا انه تم حل هذه المشاكل

   2- سعر غالي جدا بالمقارنه مع السوزوكي

   3- ثقيلة الوزن

   ومكائن الياماها والهوندا فور ستروك غير مرغوبه جدا بسبب كثرة الاعطال لدرجة ان ماتحصل مكاين مستعمله للبيع الا نادرا

   واذا انت قاربك 20 قدم نزهه انا انصحك تركب ميركوري اوبتيماكس او الافنرود اي-تك

3. مرحبا ياخوي تسمع نصيحتي ركب 200 ياماها فور استروك اذا الطراد 20 قدم وبتستانس من الصرفيه واذا تبى السرعه ركب مكينه ميركوري 200 سوبر فور استورك او ابوتمكس 2 استروك

4. تسلم والله اخوي الذيب على الرد الطيب……و ما قصرت انا ابا اركب مكينه على طراد نزه 20 قدم … وحبيت اعرف شو الانسب

   شكرا

5. ياخوي تراه المكاين وايد ومميزاتهن بعد وايد المهم بخبرك عن واقع خبره

   225 السوزوكي سعرهه قريب 50 الف درهم وهي مكينه عاديه ما عليها تزويد مثل التوربو او السوبر بس فيها دفع ما شاء الله ، صرفيتها اقل ووزنها اقل وسعرهااقل من الميركوري لكن مشكلتها في الحراره وقطع الغيار والوكاله ونحن نفضل اليماها الفور استروك عليها .

   الميركوري ما تنزل 225 فور استروك فيه عندهم من 115 175 مش سوبر ، اما طلبك ففيه 200 و250 و275 و300 وكلهن سوبر جارج وزنها كبير بس فيها قوه وصرفيتها يعني شوي ازيد عن الزسوزوكي ولكن الصيانه عجيبه سامانها متوفر في الوكاله وحتى وكالته بابوظبي روعه في التعامل وصاحبها صديق عزيز ومكائن الميركوري الصراحه حق الطراريد الدلع مثل طراريد النزهه والسباق واليخوت الصغيره وحتى الصيد بس سعرها غالي شوي ان اعرف ان 250 بقيمة 75000درهم وعلشان كذيه الناس تفضل السوزوكي ارخص فور استروك في السوق لاان اليماها بعد 250 ب53الف درهم وكل شي ياخوي حسب الاستعمال والحظ والله يوفقك
   اخيرا اذا ناوي تشتري طراد فوق 35قدم ركب ميركوري واذا تحت ركب سوزوكي او ياماها

Comments are closed.