السلام عليكم
بصراحه انا اليوم ابا اتكلم عن موضوع يهم الاف الاسر المواطنه. وهو هل من حقك انك تحلم يكون عندك بيت في بلدك وتسكن فيه ابنائك إلي هم مستقبل هذا البلد للاسف الاف المواطنين عندهم اراضي وعندهم قروض الاسكان بس مب قادرين يبنون والسبب ارتفاع تكلفة مواد البنا وجشع الموردين و المقاولين .
اليوم في جريدة الاتحاد سعر طن الحديد 4100 درهم والاسمنت الكيس 25 درهم
الواحد ما يعرف هل ارتفاع السعار النفط نعمه وإلا نقمه زادت الرواتب ظاهريا بس الحياه ولعت
المهم على شان الواحد يبني بيت المستقبل لازم انه يتسلف على المليون والمئتين واقل حاجه يباله مليونين. والبنوك ماتقصر بس بخصمون من راتبه مبلغ 25000 درهم على مدى 25 سنه غير خصم قرض الاسكان
يعني لو الواحد راتبه 30000درهم بيبقاله 500 درهم اعتقد انه لازم يتسلف عليهن على شان يقدر يسدد فاتورة الكهرباء.وفي حالة عدم السداد السجون موجوده والعوائل الله يكون في عونها
يااخواني مالنا غير الله سبحانه وتعالى وأولات الامر فدعو لان تصل هذه المعاناه اليهم
19 thoughts on “وبعدين مع ارتفاع اسعار مواد البناء”
Comments are closed.
يا اخواني صدقوني الشيوخ ما بيقصرون بس اهم شي ان الانسان ما يسكت عن حقه ويتكلم ولو كلمه انا ابصراحه استغرب من بعض الناس الي ولا كنهم عايشين في المجتمع . الحمدالله احنا في دولة الامارات متعودين انشوف شيوخنا فاتحين ابوابهم لجميع المواطنين بس لازم نوصل لهم هذه المشكله والله يوفق الجميع
سمعت بعد إن هيئة القروض أبوظبي ذادت القرض إلى 1,800,000 للدفعه الجديده إلي بتنزل بعد كم شهر
أخوي يقولون سأل مجرب ولاتسأل طبيب
أنا جالس أبني فله في العين على القرض مليون وميتين
قبل ما تبدى الزياده الأسعار وقبل ما يستوي تضخم في مواد البناء
موقع العقد على 1,405,000 ومساحة الفله 700 متر مربع
هذا الكلام في أول يوم من شهر رمضان الماضي
الحين واحد من ربعي خذ نفس المخطط ونفس المواصفات ونفس المقاول
طلبوا منه 1,900,000 بشرط إذا زاد سعر الحديد يدفع الفرقيه
مثل ما قال هامور شرس
جشع التجاااااااااااااااااااار
يعني الله يطول بعمره الشيخ محمد بن راشد
شل عنهم رسوم الجمارك على الحديد والاسمنت ليش
مب عشان ينزلون الاسعار عيل ليش يردون يرفعون مرة ثانية بعد ها الاعفاء
لازم الحكومة تتدخل في موضوع أسعار مواد البناء
وعلى فكرة السالفة موب كلها أسعار مواد البناء وارتفاع الديزل والبترول
السالفة جشششششششششششششع التجار وأصحاب المقاولات
وفووووووووووق هذا لازم يفتحون الباب للشركات اللي من دبي والإمارات الأخرى أنها تشتغل في بوظبي والعين عشان نتخلص من الجشع واحتكار الشركات واللوبيات الأفغانية و…….. اللي في قطاع البناء والمقاولات !!