السلام عليكم….شحالكم خواني وخواتي؟؟؟حبيت اتخبركم عن بيع الرخص التجاريه…..هل كل انواع الرخص التجاريه تنباع والا كيف؟؟يعني انا مثلا عندي رخصة صالون نسائي فالعين…..في مجال الاقي لها شرّاي؟وسعر البيع على اي اساس احدده؟وكيف يتم التنازل؟؟اللي عنده خلفيه عن هالموضوع ياليت ما يبخل علييه بالمعلومات ومشكورين
8 thoughts on “استفسار بخصوص بيع الرخص التجاريه,,,”
Comments are closed.
اذا حبيتي تقدرين بعد تسالين في البلدية قسم الرخص بيقدرون يفيدونج اكثر بالرغم ان ارباب بعد ما قصر
مشكور وماقصرت مره ثانيه اخويه ارباب على ردك………وبالنسبه للرخصه مب محدد فيها عدد العمال……..وتنتهي فشهر 7تقريبا او 8 نسيت………..لكن بعد انتهاء الرخصه هل تنباع؟وبكم يكون التجديد؟
نعم في مجال للبيع هذه امر عادي لاكن لم تذكري ما هيه مقومات الرخصة التجارية هل توجد عماله عليها ام لا ؟
اذا كانت فقط رخصة تجارية هنا يجب ان نعرف كم المتبقي من انتهاء الترخيص ؟
في اعتقادي اذا كانت رخصة فقط هنا سوف تعرفين كم كلفتج الرخصة فقط وتبيعينها على اساس الرسوم التي دفعتيها عليها اذا حد رغب فيها طبعاً
عسى اني وفقت في توضيح الامور عليج ان شاء الله واي استفسار اخر بتلاقين الجواب الوافي في هذه المنتدى
ارباب
مشكور وماقصرت يا خويه ارباب على طولة بالك و الرد الشافي للاسأله اللي سألتها……لكن سؤال اخير…..هل في مجال انها تنباع بعد ما ارجع المحل وابيع الادوات؟وبدون بطاقة منشأه؟؟
مرحبا ام شيخه
نعم كل الرخص التجارية تنباه الى الرخص الي عليها اراضي منح او اراضي مصانع هني تكون فيها الامور شويه صعبة بخصوص بيعج للرخصة يتحدد سعر الرخصة من عدة امور من ضمنها متى استخرجت الرخصة
2- هل الرخصة سارية المفعول ام ماذا ؟
3- هل الرخصة سوف تباع مع الموقع ومعداته ؟
4- كم عدد العاملات في الرخصة ؟
5- هل تمت انهاء بطاقة فتح المناشئة في العمل والعمال ام لا ؟
7- هل توجد اية مشاكل ام مخالفات على الرخصة او لا ؟
8- هل النشاط شغال ام مقفل وهل يدر ارباح ام ؟
9- هل توجد لوحة اعلانية وهل موقع الصالون متميز وفي اي منطقة
اجراءات بيع الرخصة يتم الاتفاق بين الطرفين ويتم بعد ذالك اخذ ورقة من البلدية برغبتج ببيع الرتخيص بما له وعليه ويتم الاعلان لمدة 3 ايام في جريدة رسمية بعد ذلك يتم الاحتفاظ بلاعلان وارفاقه بلأوراق الرسمية ويتم التصديق عليها من الجهات المختصة في البلدية ويتم مخاطبة غرفة التجارة وعدة اماكن من ضمنها الجوازات والعمل والعمال ………. ومنكم واليكم والسلام عليكم
عدة امور يا ام شيخة تتحكم فيها وفري اكثر المعلومات عن الترخيص لكي يتم الحكم في قيمة البيع
ارباب