خيشه البصل مقاومة بسعرها..

وجا وقت يقولون ان الدجاج خلااص يمكن يرتفع سعره الى 50 درهم ويمكن ماتحصله …

مابقى شيء الا ارتفع سعره .. اتذكر لما سووا مقابله في اذاعه الشارقه ، ويوم يقول كاظم مسؤول في بترول امارات ان السعر ارتفع لان الرواتب زاادت ….

قمنا نطبل يمين ويساااار ويا المسؤولين والمستهلكين والاذاعاات ..

الحلوووج وليس (العلوج) مفتووحة بارتفاع ونزول ..

شوو اللي صااير في البلااد ، هل هي لعبه ام ان المسؤولين مايقدرون على الارتفاعاات .. شو السالفة ..!!

الشيخ محمد طول الله في عمره ، الحديد ودخله من الجمارك ببلاش … وشوي وارتفع سعره من هني ..

ماشيء (اسمنت) في البلااد ، رغم ان 4 مادري 5 مصانع وكسارات في البلااااد تسووي الاسمنت وعالمي ..!!

دوله بترولية ، وبترولها غالي.

دولة اسمنتيه ، واسمنت مااشيء ..

تراااا ديرو بالكم احم احم البصل سعره مستقر لحد الآن ههههههههههه الخيشه ب 5 دراهم الصغيره ..

واخاف يرفعوون السعر ويتحججون بانه من النوووع الغاالي بعد ،،،

كل يوووم الاسعاار في زيااده ،،

اتذكر لماا اتصل سوري ورمس ان البترول عندهم القلن ب 6 دراهم رغم انهم يستوردونه ، ونحن احم احم ..

لاحيله ،

الشركات والتجار لهم فتحات ومتاهات غير غير ..

لما يرفعون من سعر اي شيء ، وتطالبهم الدجائره الاقتصاديه بالتنزيل او المخالفه ، يحطونها بشيء ثااني..

السينما مثلا ، التذكره نزلو سعرها ب 5 دراهم ، رفعو قيمه البيبسي الى 5 دراهم والفراخ الى 10 دراهم ..

ماعرفناا شو نسوي ، نزرع بصل بروحنا او نزرع طماط ، او نربي دجاج في البيت اشووف احسن ..

لاحول ولاقوه الا بالله ..