بغيت مشورتكم في الدينالي 2008 فل أوبشن في وكاله بن حموده حصلته علي 202000 درهم
– هل بحصله ارخص من هذا السعر
– شوه استعماله بشكل عام
– تنصحوني به كسيارة عائله وسبورت في نفس الوقت
– وشرايكم في الون الذهبي
9 thoughts on “طلب مشوره في الدينالي gmc”
Comments are closed.
أكيييد ننصح فييك حاول تييب خصم فييه ولو قدرت توكل على الله المووتر ماعلييه صرفيه وكستخدام عائلي مريييح اهم شي تشيكاات الوكاله وانته والخيير رباعه والسموحه
نصيحتي تاخذ اليوكون العادي بس فل ابشن مكينته نفس الدينالي بس 5.7 وفيه شاشتين وماعليه كلام موجود ببن حموده ب 171000 مع ظمان لحد 250 ألف كيلو شوفه وقارن والله أفظل للك من الدينالي والله يوفقك الجمس مال كراف وماعليه كلام
السلام عليكم
انا عندي الجمس 2006
يوكن دينالي الشكل الجديم
و يقولولي ناس انه الجديم (الي عندي) اثبت و صرفيته احسن على الخط
و عن الفليكس فيول ترا هالنظام على الشفر والظاهر الحين سوو على الجمس في السعودية
ونا من وجهة نظري انه الوكالة ترااها وايد تبالغ في السعر
يعني في حياته الجمس ماوصل سعره فوق 180 الف واليوم نلاقي على 220
انا عندي دينالي اول دفعه خذته من بن حموده ب 178000 كمل عندي سنه ونص ماشي 104000 الموتر ماشاء الله سافرته به مرتين مايهزك ريح ماشاء الله عليه وصرفيته زينه يمشيك 500 كيلو وانته تضحك غيره من المواتر خزانين يالله يمشوك 550 كيلو اتوكل واعقدها وجان تبي زوايد واكسسوارات حاضرين
– هل بحصله ارخص من هذا السعر
في السعودية اقل ب 25 الف اذ هب اكثر
– شوه استعماله بشكل عام
فنان بس يصرف
– تنصحوني به كسيارة عائله وسبورت في نفس الوقت
نعم
– وشرايكم في الون الذهبي
ترتيب
انا امس راجع من الرياض كنت ادور جمس 8.1
فية نوع عندهم فنان وايد سعرة 153 الف يوكن اكس لارج
مكينتة 6.0
نظام يديد اسمة فيلكس فيول
الدينالي يشتغل 8 سلندر دوم
الفيلكس فيول يشتغل 4 و8