متجر شما المتكامل للعنايه بالشعر (منتجات جديد و اسعار حلوه)

بسم الله الرحمن الرحيم

السلام عليكم و رحمة الله و بركاته

زبوناتي و زبائني الكرام …

نظرا لطلب العديد منكم لمنتجات يديده للعنايه بالشعر و ثقتكم فيه و في زيت شما…و تواجدي وياكم من سنين عديده و توفيري لكم اجود انواع الزيت و كريمات الشعر للعنايه بشعركم

طبعا تميت فتره طويله لين نزلت المنتجات لاني لازم اجربها اولا عليه و على الاهل و ربيعاتي و اتأكد 100% من مفعولها ان بيفيدكم

طبعا دبي بيبي لازم تدرس و تذاكر في امور الشعر و العنايه به …و تأكدو ان هالخلطات كلها بمقادير مدروسه ..يعني ما اسوي شي عشوائي و خلطاتي مضمونه 100%

حبيت انزل لكم مجموعه من المنتجات اليديده للعنايه بالشعر باسعار مناسبه للجميع ..

اول شي احب اقدملكم شامبو شما بالسدر و الشاي الاخضر

شامبو شما من افضل و اروع انواع الشامبوهات الطبيعيه يحتوي على السدر و على الشاي الاخضر و العديد من المكونات الطبيعيه …يقوي الشعر و يوقف تساقطه و يزيد من لمعانه و حيويته ..استخدامه مثل استخدام أي شامبو عادي ..و لكن مزاياه افضل بمليون مره من أي شامبو عادي…هذا الشامبو فعلا متعوب عليه في صناعته و خلطه و التأكيد 100% من فعاليته و ايضا ريحته حلوه …بسبب احتواء الشامبو على السدر يمكن يسبب جفاف خفيف في الشعر و هالشي زين للي شعرهم بسرعه يزيت شراتي لووول ….و اللي شعرهم جاف انصحهم باستخدام البلسم عقب الشامبو عشان يحافظ على نعومته

الحجم = 200 مل

سعر الشامبو= 65 درهم

ثانيا نوصل للبلسم

عندي نوعين من انواع البلسم ..الحجم = 200 مل

النوع الاول : البابايا

و سعره =45 درهم

و النوع الثاني : التوت و الفراوله

و سعره = 55 درهم

استخدامهم مثل استخدام أي بلسم عادي..بعد غسل الشعر بالشامبو ..تحطين البلسم على الشعر الرطب على اطراف الشعر و بعدين تغسلينه فقط بالماي

فوائده للشعر : ينعم الشعر و يزيل التشابك و يعطي الشعر حيويه و لمعان رائع و ريحه حلوه

ثالثا نوصل لكريمات الشعر اللي تستخدم بعد الاستحمام

و اكيد تعرفون فايدتها خصوصا للي يسشورون شعرهم او شعرهم مخترب من الصبغات او عموما اذا كان الشعر ضعيف و يحتاج عنايه ..او جاف و يكشش بعد الاستحمام

و عندي 4 انواع رهيبه

اول نوع هو الاسبيشل …الا و هو كريم خلاصة الزيوت و الفراوله

ها الكريم يحتوي على مجموعه كبيره من الزيوت الطبيعيه للعنايه بالشعر ..و هو مغذي للشعر بشكل كبير …ينعم الشعر و يعطيه لمعه و يمنع التكشيش و يسهل التسريح

حجمه 200 مل

و سعره = 55 درهم

و بعدين عندي 3 انواع من الكريمات اللي شوي ارخص بس مفعولهم ايضا رهيب

الحجم = 100 مل

كريم الحنا و الفانيليا

كريم الصبار و الافوكادو

كريم جوز الهند

هالكريمات مغذيات طبيعيه للشعر و تعيد البريق و الحيويه للشعر و تمنع التكشيش و تنحط على الشعر الرطب..يعني اول ما تخلصون سبوح ..كميه بسيطه على الاطراف فقط

و السعر لهالانواع هو = 40 درهم

و هنيه نعود لكريمات شما للعنايه بالشعر الجميل و اللي حازت على اعجابكم ..و الحين انزلها في موضوع يديد لان الموضوع القبلي بند لوصول عدد المشاركات الحد الاقصى

اول شي بحطلكم كريم رهيب و بيكسر الدنيا …الا و هو كريم الكوكتيل

و سعره فقط = 50 درهم

الكريم يحتوي على مجموعة فيتامينات رائعه للشعر …من تحت لفوق..الثوم و الافوكادو و الليمون و الفراوله ..عشان في كل استخدام تستمتعين بتجربه يديده و ريحه يديده

اقدم لكم و اخيرا كريم شما للشعر

خصائص الكريم: نظرا لتعرض الشعر للحر و البرد و الشمس الحاره و العرق و الرطوبه و الكتمه من الشيله و الحجاب و العقال و الغتره و ايضا تعرضه لملوحة الماء…هاي العوامل كلها تفقد الشعر حيويته و تضعفه و تضعف جذوره و تعرضه للتساقط و التقصف…ايضا ما ننسى الشسوار و الصبغات المتكرره كيف تعدم الشعر … اخترعت لكم كريم شما مع خلاصة زيت شما المعروف عشان يحافظ على نضارة و حيوية الشعر و يعيد له القوه و الكثافه و يوقف التساقط..كريم شما صنع ليغذي الشعر و يقوي فروة الرأس و عشان تتمتعون بشعر قوي لامع و في نعومة الحرير

و لانا ناس مختلفين و متطلبات كل شعر تختلف عن الاخر حاولت قدر الامكان اني انوع الكريمات عشان تلائم جميع الاذواق

تجربتي الشخصية مع الكريم كانت باهرة…طبعا لاني راعية زيت شما فما أعاني من التساقط << شي أكيد لوول
ملاحظاتي بعد استخدام كريم الفواكه اللي يناسب جميع أنواع الشعر:

الكريم نعم شعري بطريقه جنونيه..القباضه تفلت منه ..مب قادره الفه بأي شي…لمعاااان رائع…حيويه و قوه..مع السلامه من اي نوع من انواع ضعف الشعر و منعا باتا للتقصف مع اني اصبغ شعري تقريبا كل شهرين او اقل احيانا..ايضا لاحظت ماشاء الله شعري بسرعه طول الفتره اللي طافت..و وصل اخر ظهري و انضميت الى حظيره قوم بووو الشعوووور الطوال ههههههههههه << و أخيرا..حتى ربيعاتي مستغربات

بالنسبة لتجارب صديقاتي:

الصديقة رقم واحد: تعاني من شعر جاف و كشه…و تعاني من تسااااااقط شديد جدا جدا
ملاحظاتها بعد استخدام الكريم للشعر الجاف: نعومه و لمعان…سهولة التسريح..مع ان شعرها كيرلي بس ما تبهدلت معاه شرات كل مره..لان دايما يكشش بعد الحمام..بس هالمره غير…بعد عدة استخدامات توقف التساقط و بدا شعرها يقوى و يمتلي حيوية.

الصديقة رقم ثنين: تعاني من شعر ضعيف و خفيف و مصبوغ كمن مره ورا بعض..شعرها متقصف من الخاطر و تساقط خفيف
أول شي قصينا التقصف عشان ما يعادي باقي الشعر
و بعدين استخدمت كريم شما للشعر المتضرر و المعالج كيميائيا و هذي ملاحظاتها: النعومة و الحيوية و ايضا توقف التساقط من البداية .. بعد عدة استخدامات لاحظت شعرها رد يلمع و بدت تبين فيه الحياة و الكثافة..كانت فيها قشره على الحفيف و الحمد لله اختفت بلا رجعه.

الوالد و الوالده الله يخليهم و يطول بعمارهم جربووو الكريم تشجيع لي و الحمدلله مستانسين..الوالد قدر سعر الكريم ب 500 درهم من كثر ما استانس عليه و طبعا انا ما قلت لا << خخخخخخخ

الموهيم نيي للجد

أنواع كريم شما

ينقسم كريم شما لأربع أنواع رئيسيه

1.كريم شما لجميع أنواع الشعر << هذا ايي نوع واحد فقط اللي هو بالفواكه

2. كريم شما للشعر الجاف << هذا ايي عدة اتواع إلا و هي

+الفانيليا

+ الأعشاب

+ الافوكادو

و ايضا في بالصبار بس خلصوووه ربيعاتي و الاهل قبل لا اصوره…ما عليه خيرها في غيرها بصورلكم اياه في الدفعه اليايه

3. كريم شما للشعر المتضرر و المعالج كيميائيا..يعني المتبهدل من الصبغات و من التمليس و من كثر السشوار

+ زيت الحية

4. كريم شما للشعر و الجذور الضعيفة << هذا ايي عدة اتواع الا و هي

+الثوم

+ العسل

+ الليمون

سعر الكريم : 70 درهم

مكونات كريم شما للشعر

طبعا من أهم المكونات هو زيت شما المشهور بتكثيف الشعر و توقف التساقط بالاضافه إلى زيوت و كريمات و فيتامينات مخصصه لتقوية الشعر كل كريم على حسب شغلته

طريقة استخدام كريم شما للشعر

يوضع الكريم على فروه الرأس مع التأكد من تغلغل الكريم إلى منابت الشعر..يلبس كاب الرأس البلاستك و يترك لمدة نصف ساعة…و بعدين تغسلون شعركم بشامبووو و بالإمكان إضافة بلسم إذا متعودين…
في طريقه للناس المستعيلين..بالإمكان وضع كريم شما للشعر على الراس خلال الاستحمام لمدة عشر دقايق و بعدين غسله…او بالامكان استخدامه أيضا كبلسم بعد غسل الشعر بالشامبو بس لا تكثرون منه عن يزيت شعركم

و في طريقه للناس المتفيجين..شلو الكريم و سيرو الصالون و سوو به حمام زيت << هنيه تحصلون على أفضل و أسرع النتائج

حجم كريم شما للشعر

حجم العبوه 300 ملل يعني القياس متوسط << ميديووووم سايز

و الصورة توضح الحجم

طريقة الطلب: الرجاء تعبئة الفورم الاتي و ارساله على الخاص

الاسم:

الرقم:

الاماره:

المنطقه:

نوع المنتج المطلوب و العدد:

الدفع و التوصيل

نظرا لان عدد كبير يطالبون بسلم و استلم ..اليكم هالاختيارين و انتي تختارين الطريقه اللي تريحج

اذا تبغين سلم و استلم
1. سعر التوصيل اغلى اللي هو يتراوح بين 20 الى 30 درهم بدون سعر الطلب
2. شركة التوصيل ما توصل للبيت في جميع الحالات ..فلازم تحطين في بالج ان تطرشين حد يستلم من مكتبهم في امارتج
3. ممكن يصير تأخير في الشركه ..هذا انا مب مسؤوله عنه

اذا تبغين الدفع المقدم على حسابي في بنك دبي الاسلامي

1. سعر التوصيل فقط 15 درهم
2. شركة امبوست توصل لج الطلب لين بيتكم
3. لا توجد رسوم تحويل على الايداع البنكي

• و نفس الكلام للي بتحول على الانصاري و لكن هنيه 20 درهم زياده رسوم تحويل الانصاري