السلام عليكم
في شي استغربت منه قبل اسبوعين
طبعا انشغلت وايد في الكليه وويا الاهل وعرس اخوي عقبالكم انشالله واخوانكم وخواتكم
المهم ايقولكم العرس استوى قسمين قبل لا اتدش العروس حطينا اناشيد وعقب اغاني طبعا لرضى الطرفين(ورضا الناس غايه لا تدرك)
في شي استغربت منه في العرس
العرس كان في البيت (ليله الحنا)
يبنا دي جي حرمه لان العرس عرس حريم
استوى شي غريب في العرس ما اعرف يمكن انا اول مره اسمع هالشي لاني ما اروح الاعراس ولا هو متدارج وايد ما اعرف انتو افيدوني
ايقولكم نشت وحده وقالت للحرمه(الدي جي) حطي معلايه اسلاميه 
الشي الي ما فهمته
المعلايه هي المعلايه
رحت وسالتها من صدمتي كيف معلايه اسلاميه؟! المعلايه هي المعلايه ليش من متى دينوهم ولا لان بدرو اتغطي ويها اتحريتوها متدينه؟؟؟
قالت لا
قالت هاي معلايه بدون موسيقى عسب جي هي اسلاميه
وشي ثاني سمعته
ان في فرق ايدقون بدون موسيقى وها حلال؟؟
وقالت عادي اغاني بدون موسيقى حلال ؟!
طبعا ها كان خلال الفصل الاول
ايقولكم خلال الفصل الثاني يوم كنا حاطين اغاني
نشت وحده وقالت الرقص حرام 
ههههههههههههههه
عاد هاي صج رفعت ضغطي جان اقولها الحين الرقص على المعلايه الاسلاميه حلال وعلى الاغاني حرام؟
صج يالهم 
شو مستوي في الدنيا
ابي حد ايفهمني انا وين عايشه بالضبظ؟ وفي اي زمن ؟ وشو هالطلعات العجيبه من الناس ايحللون الي يبون وايحرمون الي يبون؟ هل زياده العلم اتخبلهم؟؟ الي اعرفه ان الدوله تتحظر وتتطور لكن تطور وتغير في الدين ها شي غريب وعجيب عجب؟؟
والسموحه ^_^
اختي يفضل سؤال اهل العلم في مثل هذه الامور
يغلق الموضوع لعدم الخوض في الفتاوى
كل الود
قلت لهم لييت على البيت كفايه
قالو لا لازم عرس
ليش هالخساير كلها ما ادري ^_^