*
.
.
بســم الله الرحمــن الرحيــم
.
.
.
حبيت أنقل لكم هذا الموضوع الغريب ! وأنا خايفه على مصير هالبنت الصغيره المسكينه .. ضاعت والسبب أهلها لا ربوها على الدين ولا التوحيد.. وفوق هذا دخلوها مدرسه أجنبيه …. وهاذي خريجه من خريجات المدارس الأجنبيه اللي عليها أصابع الإتهام في الفتره الأخيره ..تأثرت بأغاني الروك إلى أن كفرت .. سبحان الله هاذي أصوات الشيطان..
أخليكم مع اللقاء..اللي صاد هالبنت صادها عن طريق المسنجر وهو أخ كويتي .. .. وخذ معاها بالحوار وهذا هو .. وآسف اذا في عبارات مـاتعجبـكم
.
.
.
بنت كويتيه من عبدة شيطان
هالبنت تأثرت بأغاني الروك الميتال والهيفي ميتال و الهاردكور والبلاك أند دث ميتال
(نوع من موسيقى الروك اللي وكل اللي يأدون هالأغاني فرق عبدة الشيطان)
لي درجه الجنون
ولما سألتها عن الفرق اللي تحبها قالت
.
.
.
Children of bodom, Cradle of filth, In Flames, Soilwork, Slipknot, Coal Chamber, Demon Hunter, Dark Tranquillity, From Autumn To Ashes, Old Man’s Child, Killswitch Engage, Lacuna Coil, For My Pain…, Dimmu Borgir, Dark Funeral, DevilDriver, Mudvayne, Nothingface .. and more
.
.
.
يعني ماخلت فرقه من فرق عبده الشيطان الا وحبتهم
والله هالبنت أستخفت .. لي درجه أنها تعترف أنها كافره !
تربت في المدارس الانجليزيه الخاصه .. حتى لما كلمناها كله تتحجى أنجليزي تقول أكره العربي
يعني ولا تدري عن دينها .. الله يهديها
أحنا قابلناها بطريقة غير مباشرة عن طريق المسنجر
وقدرنا نطلعلكم بالمعلومات اللي راح تشوفونها
أول شي سألناها عن بطاقتها الشخصية:-
الصوره
.
.
.
الاسم : طبعاً ماتقوله علشان الفضايح
النك نيم : فامبايرا .. بالعربي يعني مصاصه الدماء!!!تاريخ الميلاد : 19 أكتوبر 1989 ..
الوزن :42 كيلو
الطول : 154 سانتي متر
الجنسية : كويتية ….
لون العيون : أدعم غامج ومرات تقلب بندقي أو أخضر غامج ….
لون الشعر : هم أدعم غامج .. بس تصبغه ألوان أحمر وأزرق وأخضر وبنفسجي وأجلح وأملح
هواياتها : تسمع أغاني عبدة الشيطان
تعزف قيتار
(ماسألناها بس أتوقع قيتار كهربائي)
البلع
(عسى الأكل ……. )
النوم
(…… قولوا آمين)
.. تجرح نفسها تقول أحب أشوف نفسي مجروحه
(الحمدلله والشكر)
التعارف
(منو اللي يبي يتعرف على هالأشكال …….!)
.. تطالع تلفزيون
.. القراءة
(أقري شي يفيدج ياحظي!!)
.. تحب تذبح الحيوانات مثل الجلابه والقطاوه وتتسبح بدمهم !!! وتحب تتصرف تصرفات عبدة الشيطان
هذي كانت بطاقتها الشخصية .. والحين بحطلكم بعض الأسئلة اللي سألناها غير اللي حطيتهم لكم ببطاقته الشخصية .. وطبعاً نحاجي اليهال على قد عقولهم
.
.
.
?????: ليش مسميه روحج فامبايرا؟
فامبايرا : لأني أحب الفامبايرز
?????: شاللي محببج فيهم؟
فامبايرا : لأني وحده منهم صج مو مثل اللي يطلعون بالأفلام
?????: قصي على روحج
فامباير : كل واحد وإعتقاده
?????: أنزين شفيج مجلبه عالانجليزي ليش ماتتحجين عربي؟
فامبايرا : أعرف أتحجى عربي .. بس أكره العربي .. وبعدين أنا أتحجى أنجليزي أكثر من العربي
?????: بس لازم ماتكرهين أنج تتحجين عربي أو تنسين أنج عربية .. أول شي هذا حجينا .. وثاني شي اللغة العربية لغه القرآن .. ولا شرايج ؟
فامبايرا : …. بليز غيروا الموضوع
?????: اوكي .. انزين بس انتي اللي بروحج جذي من أهلج ؟
فامبايرا : اي بس انا
?????: انتي ماتحسين انج غلط بينهم ؟
فامبايرا : أصلاً انا أكره أهلي وأكره كل الناس وأكره نفسي .. كله تلقاني أقعد بداري بروحي وأسمع هالاغاني .. ومرات أقعد أبجي ومحد يوقف معاي غير أخوي الصغير
?????: اممم اخوج الصغير … شسمه ؟
فامبايرا : … سوري ماقدر
أخوها الصغير .. وأسمه محمد .. ماقالت أسمه بس عرفته بطرقي الخاصه*
?????: انزين أنا بعرف أهلج يدرون أنج عبده شيطان ؟
فامبايرا : أنا مو عبدة شيطان .. بس أحب أقلدهم
فامبايرا : انزين أنت عبدة شيطان ؟
?????: من صجج أنتي ؟ أكيد مسلم ششايفتني .. وأنتي شنو بالله ؟
فامبايرا : امممم .. كنت مسلمه بس الحين لأ
?????: ماتستحين على ويهج لما تقولين انج مو مسلمه ؟!؟
فامبايرا : شفيك قلتلك أنا كنت مسلمه .. بس أكتشفت أن الاسلام كله خرافات
?????: شلون تتجرأين وتقولين أن الاسلام كله خرافات ؟ .. حد أم الضياااع … أنزين يبيلي دليل يثبت اللي تقولينه .. والله العظيم أدري ماتقدرين تردين على هالسؤال
فامبايرا : غير الموضوع بليز لا يصير طق
?????: لووووووووول … أنزين ماقلتي أهلج يدرون عنج ؟
فامبايرا : اي يدرون
?????: ونعم الأهل .. اللي يشوفون بنتهم جذي وساكتين عنها … والله الدنيا اختربت
فامبايرا : عن الغلط
?????: عن الغلط ؟ أنتي الغلط بكبره .. الله يهديج بس .. ترى انتي بعدج ياهل .. مو تقولين تحبين القراءة ؟ روحي أقري القرآن يمكن الله يستر عليج .. بس لازم اول شي تتوضين مو بنجاستج
فامبايرا : انت بلوك ودليت خلاص
?????: ……….. على هالاشكال يلا حطيني بلوك ودليت من قال أبي أكلمج أصلاً .. يلا ذلفي وانشالله رواسي بجهنم
—–بلوووك ياباشا بلوووك—–
والبنت عندها مواقع وايميلات خاصه فيها .. بس ماراح انشر مواقعها ولا ايميلاتها .. لأنها مو ناقصه فضايح
.
.
.
كلمة أخيرة :-
ماقول الا عسى الله يهدي الناس الضايعه .. ويهدي هالأهل اللي ماعرفوا يربون عيالهم
صج الديرة أختربت .. عيال الديرة أختبروا خلاص .. تلقاهم تفرفر بالمجمعات وتحرش ببنات خلق الله .. والبنات هم نفس الشي .. يلبسونلي من غير هدوووم .. والشباب الجنوس .. والبنات الصبيك .. وعبدة الشيطان .. ماقول الا عسى الله يهديهم
.
.
.
مــــنقـــــول
.
.
.
*
شكراً على نقل الخبر وهذه الامور يجب ان نتوقعها مع الانفتاح الكبير في هذه الوقت على كافة الجنسيات والانفتاح الاعلامي بتوفر كافة سبل التقنيات الحديثة في نقل العالم اليك وانته غرفة نومك وكيف واذا نحن نذهب بأبنانا الى هذه المدارس اذاً نحن نساهم في نشر هذه الثقافة الخائبة في اعتقادي ان هذه الامور لا تعالج الى بلبتر اي ان هذه البنت واشكالها من البنات او الرجال يجب بترهم من المجتمع وما علاجهم الى طلقة واحدة فقط من اخوان شما
ارباب
لا حول ولا قوة الا بالله
عافانا الله شو هالخبال
لا حول ولا قوة الا بالله
نتيجه حتميه لاهمال الاباء وابتعادهم عن الدين وعدم ترسيخ الايمان في قلوب ابنائهم منذ الصغر
ولا اعتقد ان تصل الفتاة الى هذا المستوى من الانحلال والكفر الا اذا كانوا الاهل بعيدين تماما عن الدين
اللهم يا مثبت القلوب ثبت قلوبنا على دينك. اللهم يا مصرف القلوب صرف قلوبنا على طاعتك.
القناص شكرا على النقل المحزن
كل الود
الله يعافينه
الله يهديها