ياجماعة الخير سؤال لي ولك ولها وغيري وغيرها وغيركم كعيال البلاد شو فيها البلاد الكل يشتكي ، خلال فتره بسيطه كله شكاوي في الشارع في البيت في البث المباشر نحن عددنا بس تقريبا 900 الف مواطن ، ليش يالسين نشتكي تقولون مكسيكيين او برازيليين او افارقه ، اريد حد يجاوبني وين راحت البركه ياجماعه ، الله يرحم
مثل ما قلت نحن 900000 ولله الحمد الله بارك لنا في دينا وبلادنا وحكامنا..
1-ديننا الاسلام اللي اظهر على الين كله
2-بلادنا الصحرا العفراء اللي ببركاته صارت جنان وواحات ومساكن عالميه ساحليه ومائيه وسماويه عاليه
3- وحكامنا انا في غنى عن التعرييف..جود اياديهم وحسن صنائعهم وحكمة حكمهم اخرست لساني ويدي وقلمي…
اما من اشتكى فيرييد الكمال واتمام النقص ولفت النظر لمشكله ترييد الحل.. وفي نظري هذا شي صحي…..والشكرلك والسموحه
(( ان بعد العسر يسرا ))
تفائلوا بالخير تجدوه ليش التشائم وبعدين
لاتقارن الاماراتين بالمكسيكين والافارقه والبرازيلين
هذيج الدول اللي إنته طريتها فيها مشردين وفيها
مجاعه وفيها جرايم بسبب العصابات اللي عندهم
لا ويمشون في الشوارع مسلحين بعد وفيها قطاع
طرق وفيها وفيها من البلاوي ومن المصايب اللي
يخلي بلادنا أحسن عنهم بستين مليون مره
الحمد الله شيوخنا ماقصروا
كل اللي يستوي في البلاد من مشاريع يبشر
بخير ياي يعني بعدنا مجبلين على خير إن شاء الله
وهاي المشاريع الضخمه بعضها قرب يخلص مادري
ليش تنظرون للجانب السلبي وتنسون الجانب
الايجابي والحمد الله كل يوم أشوف المواقع العالميه حاطين شيء عن الامارات لان الامارات كل يوم
تتميز بشىء يلفت نظر العالم إليها
فيها مشاكل ونحن الحمد الله مشاكلنا أرحم
عن مشاكلهم الحمد الله ماعدنا مجاعه ولاعدنا
ناس عايشين تحت مستوى الفقر واذا كانت
المشاكل عن زيادة الاسعار سير شوف شو سوا
التضخم في البلدان اللي ماعندها بترول
إستوت مشاكل في مصر بسبب التضخم والخبز
إرتفع سعره وايد حتى الشيخ خليفه الله يطول
في عمره ويحفظه أهداهم مليون طن قمح
خليفة يهدي مصر مليون طن قمح
المصدر جريدة البيان :
ط§ظ„ط¨ظٹط§ظ†
الحين إنته حدرت وماقتلنا شو المشكله قلت
مشاكل وبعدين غاية الناس لاتدرك
كل مشكله ولها حل إنته
بس لو تحدد شو المشكله ؟؟؟
بعدين ياخوي هذا التطور والزحمه اللي إستوت في البلاد بتكون كلها في مصلحة المواطن وبتنحل الزحمه
وكل شيء بينحل مع مرور الأيام الحين المسؤولين مب حاطين إيد على إيد ويقولون ماشيء حل كل يوم
يكتبون في الجرايد خصصوا المبلغ الفلاني للشوارع
السياحه شو بتسوي بتزيد دخل الدولة والدولة مابتقصر على شعبها دوم نسمع عن زيادات والحمد
الله زادت فرص العمل في الدولة
الجمعيات إتخذت خطوات لتقليل الاسعار مع الايام بتتلاشى هاي المشاكل ان شاء الله