طبعاً الحديد الصيني كان احد اسباب نزول سعر الحديد التركي والمحلي وسمعنا ان سعره ارخص … المهم انا وصلت للصقف الثاني الحين ولله الحمد ولكن ايضاً نقصني حديد وكمية صغيره تقريبا 7 طن حديد منها 20م 16 م و 8م … حصلت حديد صيني عند سيكون ولما سألت مدير المبيعات عنه قال مطابق للمواصفات … وسعره 5400 درهم يعني ارخص بتقريبا 450 درهم في الطن عن حديد راس الخيمة…قلت بسأل الاستشاري عنه ولو قال اوكي بشتريه بوفر مبلغ … المهم سألت الاستشاري قالي لو ركبته برفض السقف إلا تجيب لي مواصفاته وتاخذ منه عينات مختلفه وتفحصها بالمختبر ولو طابق بمشيه … حبيت اسال في حد من الاخوان جربه ؟؟؟ وهل وافق عليه الاستشاري ….
ولو في حد يبيع حديد كميات صغيره بسعر مناسب في ابوظبي

3 thoughts on “الحديد الصيني مرفوض”

  3. نصيحه اخوي خلك على التركي دام ان الكميه 7 طن … ومثل ما يقولون هذا بيت العمر لا تحط فيه شي رخيص .. لا تسترخص وعقب تندم .. اما من ناحية المختبرات اللي ترخص الحديد ما عندي خبر .. اذا كانت مثل مختبرات قياس قوة الاسمنت والخرسانه فأغسل يدك منها .

    بخصوص الكميات البسيطه عندك الأهليه في مصفح عن واحد اسمه منان باكستاني (اذا هو موجود لاني احيده من 2005 ) ينفع في مثل هالحالات يوم تنقص كميه بسيطه .

Comments are closed.