يا من جرب الكيا تفضل وادخل

17 thoughts on “يا من جرب الكيا تفضل وادخل”

1. نحن عندنا كيا اوبتيما موديل 2007 .. خذناها بدايه 2007

   4 سلندر

   وللحين ماشتكينا منها نهائيا .. حجمها الداخلي وايد حلو .. اوسع من الكرولا بوايد .. وشكلها الخارجي روعه بصراحه

   مريحه فالخط .. وعمليه وماتصرف بترول .. ومكيفها بـــارد ماعليه كلام

   العيوب .. الميزانيه كل 4 شهور لازم تضبطها

   مافيها نظام Abs .. يعني بريكها وبريك السيكل واحد .. يسحب وايد

   والاعطال شبه معدومه .. ويعتمد على الاستعمال

   من وجهه نظري لو يعدلون العزم فالسياره ويخلونه اقوى شوي .. ويحطون لها نظام Abs

   بتكون سياره مثاليه وعادي تنافس الكرولا

   وسعرها بـ 55 الف درهم ..

   ====================

   السياره الثانيه عند واحد من الربع .. الكيا الي حجمها مثل اليارس والتيدا .. اعتقد اسمها بيكانتو او شي جيه

   بصراحه سياره زباله بمعنى الكلمه ههههه

   لا قوه ولا حجم ولا شكل ولا راحه ولا اي شي نهائيا .. سياره فاشله .. وهذا رأيي الشخصي

2. uae-73 و بحمده شكراا لمروركما

   بالنسبة للكيا انا اتكلم بشكل عام عن جميع سيارات الكيا وليس عن سيارة بذاتها

   فأرجو من اللي عنده كيا يشاركنا في الموضوع مثل بو حمده جزاه الله خير

3. أنا مجرب الكيا أوبتيما
   بصراحة سيارة حلوة لكن فيها عيبين من وجهة نظري
   أولا العزم، يعني مقارنة بحجم مكينتها عزمها مب هذاك الزود لكنه يمشي الحال حق الناس الي ما يحبون الضغط عالريس بقوة

   ثانيا مكيفها ما يضخ هوا قوي، مع انه بارد
   السيارة موديلها 2005 وما أدري شو اللي تغير لين ألحين
   لكن من ناحية الأعطال وقطع الغيار تراها متوفرة والأعطال مالها حس تقريبا
   الصرفية أكثر شويي من التويوتا، يمكن نفس صرفية الصني

   السيارة يوم تحافظ عليها هي بتحافظ على بيزاتك
   ومثل ما قال الأخ قبلي انتظر رمضان أكيد بيكون عندهم عروض
   وياريت لو تحدد شو نوع الكيا اللي تبا تاخذها بالضبط عشان يفيدونك الاخوان

4. بالتوفيق … ما عندي شي اقوله .. بس اعتقد ان الكيا الحين مب مثل قبل .. يخبروني الشباب اول ما ظهرت الكيا كانت ما تصعد حتى جبل حفيت .. بس اعتقد الحين وايد غير .. من ناحيه الضمان و الشكل بس اسأل من ناحيه قطع الغيار و صرفيه البترول و قارنها بسعر الامريكي .. و شهر رمضان قريب و اكيد عادتا يسوون تخفيضات … اذا اشتريت لا تنسى تخبر الشباب عن تجربتك في كلا الحالتين اذا توفقت او توهقت

5. للرفــــــــع

Comments are closed.