للفاهمين “استفسار بخصوص المقاولات”

10 thoughts on “للفاهمين “استفسار بخصوص المقاولات””

1. عزيزي ارغب ان اضع بين عينيك بعض الامور المهمة وهي :

   اذا كان لديك مهندس وعنده خبره هو مفروض يطلع الشغل من تحت الارض و الا على شوه مهندس و اذا كان مهندس جديد انا اقولك الله يعينك عليه وهذا الشي مش رايح يخليك تنجح سوقنا يحتاج مهندسين وفنيين لديهم خبرة جيد في مجال البناء سوا كانوا مهندسين او فورمنيه او عمال .
   اسمحلي اقولك انك دخلت نشاط رفع ناس فوق و نزل ناس تحت وترتبة عليهم ديون ومشاكل . الله يبعدها عنك .

   بالنسبة للعمل والعمال اذا تبا تييب عمال تحتاج عقود مشاريع وعلى حسب مبلغ العقود يسمحولك بعدد العمال . أكثر من 50 عامل لا بد من وجود سكن ومعاينة المكان من وزارة العمل .
   العامل يكلف : 2000 درهم بطاقة عمل+ 200 رسوم طباعة + 3000 درهم تأمين عامل +600 درهم + فحص طبي 200 درهم + 300 درهم جوازات + رسوم طباعة 250 درهم + 10 درهم امبوست .
   على العموم لازم المهندس هو يجيبلك شغل و اذا ما يقدر اعرف انك في خطر واذا كان يقدر يطلع شغل للمؤسسة هاتلك 5 عمال واذا احتجت زيادة هات سب كونتركت . بس تحمل في عقود العمل اذا كان راتب العامل 1000 درهم حطله في عقد العمل 500 درهم راتب و500 درهم أخري هذي الطريقة بتنفعك يوم العمال بيطالبون في مستحقاتهم .

   اتمنى لك التوفيق … بس ارجووك هذا النشاط اللي انته فيه خطر جداً و الله يعينك ويرزقك من فضله

   اخوك / بو منصور

2. اخوية

   العامل الواحد يكلفك بحدود 7000 درهم

   شامل

   الفيزا + الضمان + الضمان الصحي + رسوم الجوازات و العمل و العمال + بطاقة العمل

3. لاهنت اخوي المارد
   بيض الله ويهك
   بس في نقطه ماوضحتها لي

   او بدل العامل هات معلم بناء وشرط عليه يشتغل وي حداد
   وتقاطع وياهم بالمتر في شغل في فلوس بيتحفزون
   وعامل بيكلفك حدود 7500 ضمان 3000+ 2000 بطاقة عمل اذا كنت مصنف ب

   يعني قصدك اتفق وباهم بنظام النسب بدل الراتب ؟
   وبخصوص تكلفة العامل تقول 7500 هل هي + عليها 300 ضمان + 2000 بطاقه ؟ والا انت تقصد 7500 شاملة كل شي ضمان وبطاقة عمل مثلها مثل فيزة اي عامل على اي نشاط ثاني
   وشغله اخيره اخوي ماعرفت شو تقصد بـ مصنف ب انا المؤسسة عندي صغيره ويديده وماعليها اي كفالات

4. بالتوفيق
   سبحان الله وبحمده
   سبحان الله العظيم

5. هلا والله
   اول شي بالتوفيق
   زين تنوع نشاطك
   يمكن أضافة نشاط وي مقاولات
   2 – يفظل تيب عمال بس
   يبالك عمال يكونون معلمين لا تسترخص
   يبالك معلم حداده ونجارة ويفظل عدد 2 نجار و 1حداد وعامل لانه ما بيعطونك اكثر من 4 عمال قبل العقود ..
   وركز على عقود نجارة وحداده والبلاستر ما فيه فيده وايد في بداية استغني عنه ..
   او بدل العامل هات معلم بناء وشرط عليه يشتغل وي حداد
   وتقاطع وياهم بالمتر في شغل في فلوس بيتحفزون
   وعامل بيكلفك حدود 7500 ضمان 3000+ 2000 بطاقة عمل اذا كنت مصنف ب

   وتقبل احترامي أخوك صغير

Comments are closed.