السلام عليكم ورحمة الله وبركاته
كيف الحال ان شاء الله مرتاحين ؟
//
بصراحه انا محتاج مساعدتكم وياليت تفيدوني …
\
عندي مشروع جديدمن نوعة ويعود بارباح وفوائد شبه خياليه كل شهر وفكرته يديده !!
والمشروع مب صناعي !!
المشروع يختص بمجال الكمبيوتر !!
عندي استعداد ادير المشروع واطوره بافكاري لكن تنقصني الماده
لان يباله دعايا واعلان لانه بيكون باسم الدوله وشي معتمد رسميا مب شي اي كلام
//
عشان جي افكر اعرض المشروع على احد الشركات مثل اتصالات وشركة دو وغيرها من الشركات المهتمه بهالمجال
او احد مشاريع دعم الشباب في الدوله
\
ولكن الخوف بعد ما اسوي دراسة المشروع واجهز كل شي من الالف الى الياء واقدمها للشركه تقبضني الباب ( ما اقصد شركة معيه عشان ابري ذمتي ) وتقولي مشروعك فاشل وعقب شهر اشوفه موجود !!
//
الفكره عندي من 6 اشهر تقريبا وانا اطورها وللحين ما اطبقت
عشان جي
سمعت عن شي اسمه براءه او براعة اختراع
وهي اني احتفظ باختراعي او بفكرتي التجاريه لصالحي
ولكن ما اعرف بالضبط كيف اقدر اوصل لها
قالولي المشاريع الصناعية في دائرة التخطيط والاقتصاد … والمشاريع الادبيه والثقافيه في مؤسسة او وزاة الثقافه والشباب

ياليت تفيدوني بارك الله فيكم

والمشروع مب هين وراس ماله مب ذاك الزود ولكن ابي الدعم والتحفظ بحقوق الملكية الفكريه عشان اقدر اشتغل براحه وطمئنينه
دلوني عليها ويزاكم الله خير

9 thoughts on “((((((((((((((((( براءة ، براعة اختراع !!! )))))))))))))))))))))))”

  2. حذااااااااري و حذااااري من الي يقول لك ارسل لي تفاصيل الفكره … نصيحه ياخوي والله يوفقك و نشوف فكرتك على ارض الواقع

  3. اخوي قبل ما تتجه لاي شركة او جهة و قبل ما تعرض الفكرة لأي حد … راجع وزارة الاقتصاد – ادارة الملكية الصناعية – مكتب براءات الاختراع … عندك في بوظبي .. و في دبي … و تأكد بان فكرتك عندهم ما راح تنسرق حتى من الموظفين نفسهم .. واذا كانت فكرتك مطابقة لشروط 3 راح يطلبون منك كتابة الفكرة على نموذج (بغرض التثبيت و اعتمادها كبراءة صادرة باسمك)

    الشروط هي:

    1- الجدة و الابتكار ( يعني تكون الفكرة جديدة و غير مسبوقة)
    2- احتوائها على خطوات ابتكاريه ( يعني مثلا الفكره اصلا مب جديده لكن انت عندك طريقة للحصول على نتائج افضل بجهد أقل أو بوقت أقل او بطريقة جديدة مثلا)
    3- قابلية التطبيق الصناعي ( يعني الفكرة ممكن تتنفذ على ارض الواقع مب شي خيالي )

    بعد ما تقدم المستندات المطلوبة راح يسوون بحث في مكاتب براءات الاختراع العالمية بخصوص اي شي مشابه لاختراعك او فكرتك ..

    اذا ماكان في شي مشابه راح بعطونك الموافقه الشكلية .. و تبقى مرحلة الفحص الفني و التقني اللي راح تكون في مكتب براءة الاختراع النمساوي و يكلفك 7000 درهم او دولار مب متأكد …

    و تقدر توكل مكتب متخصص بهالسوالف بحيث انه يتابع لك الموضوع بمجرد ما انته تقدم الطلب … و ياخذون عليك رسوم …

    انصحك تسير بنفسك وزارة الاقتصاد و تعرف التفاصيل أكثر … و لا تسير اي شركة .. لان الفكرة اذا طلعت منك بيي غيرك (من الشركة نفسها) و بينسبها له و بيسجلها قبلك مثلا و مالك حق تطالبه بأي شي لانك ما حفظت حقك … و مافي شي اسمه عقد مبدأي ياخوي طالما الاختراع ما تسجل في الجهات المعنية لا يعتبر ملك لأحد ..

    و اي استفسار ثاني انا حاضر

  4. اخي ممكن ترسلي تفاصيلك على الخاص و انا اعرف شركة تدعم مشاريع الشباب راسلني على الخاص و دزلي تفاصيل و حنا حاظرين

  5. اخوي

    بنصحك لان حتى تسجيل براءة الاختراع لجل تكون دوليه لابد تدفع مبلغ مب هين بالتسجيل يمكن بحدود 10 الالاف دولار حسب ما سمعت من قبل

    ولكن انصحك تروح لاحدى الشركات وقبل لا تعرض الفكره توقع عقد ابتدائي ينص على في حالة الاتفاق يحق لك ….. وفي حالة عدم الاتفاق يلتزم الطرف الثاني بسرية المعلومات ويحق لك الرجوع عليهم بالتعويض اذا تم عكس ذلك وتكون مقدمة العقد وصف مبسط للمشروع يضمن حقك فيه ..

    ثانيا لو تسال اي شركات بقولك روح ابوظبي مول الطابق 5

    شركة

    .: Aldewan Online :.

    انا كنت في مجمع الكتاب اللي شارك به مجمع ابوظبي الثقافي في المانيا ولقيتهم هناك كانوا مسووين شغل قوي لجناح الامارات وقريت في الكتالوج حقهم انهم يدعمون الافكار الجديده

    ها وفيت وكفيت والا

Comments are closed.