مرحبا ,
اخواني بغيت مشورتكم في الموضوع عندي محل ع البحر وبغيت اييب ميكانيكي وعمال لتصليح البوانيش وتحديث الجروف المستعمله واعادة بيعها وشو رايكم بالمشروع ولي خبره بها المجال بس ماخاب من استخار واستشار ….عونكم ياهل الربع
9 thoughts on “مشورتكم وهداية الله”
Comments are closed.
دام ان الموقع عندك اتوكل على الله
من اربع ايام شليت طرادي ابدله المروحه
ومن ورشه لورشه اتنقل من الزحمه الي عندهم
عندهم ضغط في الشغل
ولا تنسى الشتى ياي وكل واحد يالس يجهز
طراده للنزول من صبغ وسمكره وتبديل قطع … الــخ
بالتوفيييييق
موفق ان شاء الله
اشكركم ع المرور اخوي الكدن اشكرك ع النصيحه واخوي بن منصور اشكرك ايضا ع المعنويه والدافع
بالتوفيق ان شاء الله واخويه الكدن ماقصر توكل بالله وبعدك خل صلاح القصير يفييدك عنده خبره في هالاموور وبالتوفيق
توكل على الله يالفشت وابتدي في المشروع وانا شفت بعيني الزحمه على مثل هالمحلات بس في اشياء لازم اخذها بعين الاعتبار وهي..
1_ حسن التعامل مع الزبون
2_التسليم في الموعد المحدد وعدم التأخير
3_الاتقان في العمل ومخافة الله في الغش
4_جلب الايدي الماهره
5_الاسعار التنافسيه
6_والاحسن ان يكون المحل شامل من تصليح المكائن وتصليح الفيبركلاس وعمل المظلات ويوجد في المحل الاكسسوارات التي تتطلبها القوارب
7_الوقوف على العمل من صاحب العمل للأطلاع على سير العمل والتأكد في عدم التلاعب من قبل العمال في المواد المستخدمه للتصليح سواء الميكانيكيه او للفيبركلاس..
واخيرا مثل ماقال المثل(من همل افتقد)
اتمنالك النجاح وعسى الله يوفقك.
تحياتي لك