إجراءات شراء سيارة من الشارقة وتحوليها إلى أبوظبي

8 thoughts on “إجراءات شراء سيارة من الشارقة وتحوليها إلى أبوظبي”

1. تعديل بسيط مع اضافات

   اذا السياره ارقام الشارقه اول شي تسويلها فحص تسفير 100 درهم وبعدين تامنها بشارجه لمدة ثلاث ايام تقريبا 50درهم وتدفع 200 درهم رسوم التسفير من الشارقه لين بوظبي مع لوحات تصدير
   واذا السيارة عليها مخالفات بتدفعها في الشارجه نفس الوقت وبتستوي اجراءات بالكامل اذا قدرت انك تدفع المخالفات وكل هالاشياء اتسويها في المرور نفسه من تأمين وكل حاجه وماعليك سير واتطمن انك بتمشي امورك تمام اذا المخالفات اندفعت
   واذا السيارة مرقمه من اي امارة ثانيه هي بتكون نفس الاجراءات بالضبط مع الاختلاف في الرسوم
   وبعدين من ابوظبي تتابع اجراءت التسجيل يعني فحص جديد وتامين جديد وتسجيل جديد

   وبرائة الذمة بتنعطى اذا طلبت ولكن ماتحتاي ولو تفع المخالفات بيعطونك ورقة الدفع وتاخذ منهم في نفس الوقت برائة الذمة وخله يختم لك ورقة الدفع علشان اتفك عمرك من اي شي يصير مستقبلا

   وتقدر تدفع مخالفات الامارات كلها عن طريق النت او عن طريق المرور الي السيارة مسجلة فيه الا اذا كان على السيارة حجز او طلب او اي شي معيق للدفع فبيقولو لك راجع جهة الطلب
   بس مايحتاي

2. مشكور أخي / Kings

   هل يجب إستخراج ” براءة ذمه من المخالفات ” بإسم البائع من مرور الشارقة وهل تكون براءة الذمه شامله جميع إمارات الدوله أم لا ؟

   وجزاك الله خيرا

3. اذا السياره ارقام الشارقه اول شي تسويلها فحص تسفير 100 درهم وبعدين تامنها بشارجه لمدة ثلاث ايام تقريبا 100 درهم وتدفع 200 درهم رسوم التسفير من الشارقه لين بوظبي مع لوحات تصدير
   وبعدين من ابوظبي تتابع اجراءت التسجيل يعني فحص جديد وتامين جديد وتسجيل جديد

4. أشكرك أخي / كابريسات على الإفادة

   ولكن أنا محتاج معلومات أكثر عن

   الإجراءات المتبعة لشراء سيارة من الشارقه وتحويلها إلى أبوظبي
   وهل يلزم البائع بإستخراج براءة ذمه من مرور الشارقة من المخالفات على مستوى الدولة أم لا ؟
   وهل يلزم عمل تأمين على السياره لدى إحدى الشركات في أبوظبي أم يكفي أن تكون مؤمن عليها في الشارقه؟

5. انا اشتريت سيارة وسفرتها بوظبي عن طريق المرور … اما البيمة فلازم تسويها اف بوظبي فقط ………..

Comments are closed.