صياني العيد*صياني العيد*بعد فترة من اختفائها فالسوق ^__

السلام عليكم ورحمة الله وبركاته

مساكم الله بالخير ^____^

شخباركم وشعلومكم؟

ان شاء الله مرتاحين ^___^

بصراحه امس ناشة عالساعه 6ونص ((يعني من غبش))والله ما ادري شو استوابي معني راقده جريب الفير ومن نشيت كرهت عمري قلت ما برقد

وتميت احوس احوس واحوس قلت ابا اسوي اي شي

جان انزل تحت الشبرية ^__^ومديت ايدي فقمت

طلعت مندوس يابولي اياه امس وصورته فالحجرة صورتين

عقب جان اقوم اشتغل فالعينات مال البخور والعود وهالسوالف وحطيتهم فجياس صغار

بحيث متى من يتني طلبات بس احطي العينات داخلهم

وشوي جان انتبه عالساعه ^___^اشوفها8

قلت وابويي يالله عيل
قمت وسرت لستور الوراني

لأن اليوم الي قبله كانوا يايبيلي مجموعه صياني وايد كان طلب عليهم وانا ما عندي منهم

كنت اتريا الريال صاحب البضاعه اييبهم لي وتقريبا كانوا 28كرتون

واناداشه بكرتونين وطالعه بثلاثة واثجال بعد مب خفاف الكراتين

والقهر اني يوم اطلعهم من الكراتين شي صياني متشابهه انقهر اقول اسميني غجه المفروض افتحهم فالستور وعقب اشلهم

انزين

اناهلكت والمشكلة ما بروم اصور فالستور لأنه حفله وماشي مكان وبالاحرى ماشي اضاءه زينة

فقلت بصور فالحوي لعل وعسى تطلع الاضاءه حلوة ومرتبه عكس كل مرة
والحمدلله رب العالمين صح انه شوي التصوير يعمي العين لأني مابروم اشوف الصورة خصوصا اني فإضاءة قوية الله يبارك فالشمس وكل شوي ارد ادخل الحجرة اتأكد من جودة الصور وكنت اشوف عتمه

المهم من ييت نزلت الصور اليوم اشوفهم لا اوكي لاباس فيهم ^__^

والمشكلة الي واجهتني انه عالساعه 9الا ربع ما رمت اتحمل لأنه الشمس هلكتني

وكل شوي اميل الصور عسب لا اتبين الشمس وتخرب التصوير ^__^

انتوا شوفوا واحكموا

لاحطوا المندوس ها فيه مندوس ثاني داخله ^__^