السلام عليكم ورحمة الله وبركاته
أنا مسافر إلى أمريكا وبتحديد فلادلفيا ولاكن ماعرف أي شي عن هاي المنطقه ولاكن بكون في البدايه في نيويورك بعدين بسير فلادلفيا فلو سمحتو إذا حد عنده خبره في المناطق يخبرني لأني أحس عمري بظيع ولاكن لازم أسافر لمده 3 أسابيع.,, ولكم جزيل الشكر مقدما
كفيتي ووفيتي يالأخ (سماريه) وعطيتيني معلومات وزياده بعد مشكوره وملتقصرين.,
فيلادلفيا هي في ولاية بنسلفانيا…
وهي عاصمة امريكا قبل ما تتحول وتصير واشنطن دي سي…
هالوقت من السنة بارده…. وتبعد عن واشنطن تقريبا 3 ساعات ونص…
انا ما سرتها بس سرت بتسبيرغ.. اللي هي عدالها…
امريكا بكبرها ما تضيع… الا اذا فكرت تسافر بالسيارة من ولاية لولاية … وما تبعت اللي في الخارطة بحذافيرها اكيد بتضيع…
اذا بتسافر من مكان لمكان (يعني ولاية لولاية مب في فيلادلفيا) استخدم موقعين للخرايط اما mapquest أو yahoo
انا اشوف ياهو شوي أدق من مابكويست…
اذا تبا تأجر سيارة لازم يكون عندك كريدت كارد… بس مادري اذا ليسنك دولي كيف بتأجر..
يوم بتاكل في المطاعم تأكد من خلو الأكل من الكحول والخنزير….
هممممم.. حاول تدور المطاعم العربية أو الهندية في المنطقة… وكل فيها…
بصراحة انا كنت آكل في المطاعم الأمريكية والمكسيكية… نسمي وناكل لأنه ماشي مجال تحصل كل شي مذبوح اسلامي…
منتجاتهم يكتبون عليها اذا فيها منتجات pork .. يعني ما بيصعب عليك…
اذا ييت بتشتري كاكاوات تأكد انها مافيها شامبين أو واين… لأنه اغلبها فيها…
نيويورك سيتي قريبة منك.. تقريبا ساعتين بالسيارة أو أقل يمكن… لازم تروحها على الأقل في الويكند… ويكفيها يوم واحد من الصبح لين في الليل.. بس تراها زححححممممممة وماشي مواقف مووول في مانهاتن…
كلها ثلاث اسابيع بيمرون بسرعة… اذا انته وايد متوتر خلني انا اسير اسويلك شغيلاتك نيابة عنك؟
رحلة موفقة ان شاءالله…
تسلم ياخوي سيف ماتقصر وأنا ساير أسوي كم من شغله هناك وراد وإنشاء الله إذا أحتيت شي بخبرك.,,
مرحبا يا ولد فلان
لا تخـــاف ان شاءالله ما بتضيع اذا لغتك الانجليـــزيه زينه و تعرف تتصرف هناك
بس شو المغزى من الرحله,, يعني شغل او كورس دراسي؟
اذا عندك كورس دراسي لمده 3 اسابيع الاحسن تسكن في الدورم (سكن الجامعه)
بس اذا شغل ,, ما شي غير الهوتيل
تقدر تحجز عن طريق هذي المواقع
http://www.expedia.com
or
Cheap Flights, Hotels, and Rental Cars — Discount Airfare | Priceline.com
يعني اتحدد المنطقه و اتدور فيها هوتيل بسعر مناسب و اذا عندك اي اسأله ثانيه راسلني و ان شاءالله بحاول اســاعدك
سيف