السلام عليكم ورحمة الله وبركاته
أخواني الحمد لله فتحت مشروع وهو عباره عن (((كافتيريا ))) وهذا اول مشروع لي وانا ما عندي خلفيه بإدارة المشاريع فياليت تعلموني كيف أدير المشروع يعني هل هناك سستم أو برنامج معين أكتب فيه كم بعت وكم زبون وكل شي لليوم الواحد..
الكافتيريا فاتحنها من 5 شهور تقريباً
عدد العمال الي فيها 5 عمال
الي ماسك الكافتيريا حاليا واحد من العمال الخمسة .وهو يديرهم ويدير الكافتيريا
الحمد الله دخل الكافتيريا شهريا جيد .. لكن الشي الي يضايقني ان اغراض الكافتيريا خلال شهر يوصل فوق ال10000 !!!
يعني مثال الشهر الي طاف كان مدخول الكافتيريا 23000 لكن قيمة المشتريات 18000 !!!
تبقى لي 5000 درهم
بعد خصم رواتب العمال الخمسه يبقى 4700 درهم
مافي شي بجيبي !!! وبالعكس فاتورة الكهرباء دفعتها من جيبي !!
ماعرف كيف اتصرف .
انافتحت حساب للكافتيريا وعطوني شيكات
شوفايدة الشيكات او كيف اقدر استفيد من الشيكات ؟..
وهل اجبر العامل انه يوميا يروح البنك ويدخل الايراد اليومي بالحساب؟
الحسبه كيف تكون
كيف اعرف كم سندويشه باع وكم عصير باع ؟
بلشت عمري بهاي الكافتيريا
موفعها ممتاز ودخلها ممتاز ..لكن في شي غلط بالحسابات .وماقدر افهمها ؟
ياريت اذا في حد من الاخوان محاسب او عنده خبره بهاي الامور ..يفيدنا
والله يجزيه خير ..لان صدق انا بحاجه لحد ينصحني ويرشدني
وسبحان الله يمكن في ناس وايده محتاجه انها تفهم كيف ادير مشاريعها
وهو بيفيدنا فيها 
عمالك حراميه وبس
مستحيل مشتريات كافتيريا 18000 درهم ودخلها 25000 في شي غلط اذا مشترياتك 18000 لازم يكون دخلك 40 الف لان الاشياء لو حسبناها رخيصة ومضاعف الربحية عالي
مثل كرتون الموز كم وكرتون البرتفقال والرمان وجي
الهمبرجر وخلافه
وكم يبعونه الكافتيريا حسبتها بسيطة وماشي اسهل منها لان مشترياتها اكثرها يومية او يوم بعد يوم
اذاً مشروع جيد لاكن اهتم فيه شوي وبتتوفق بأذن الله
ولا ييب لك اي هندي واثق فيه ويكون لديه خبرة جيدة
ارباب
السلام عليكم
اخوي المشروع هو خدماتي يقدم للزبائن خدمه على شكل سلع الأ هي المأكولات !
وإنت في هذا المشروع ما بتحتاج أجهزه أو آلات !
وطريقة حسابك مباشرة جدا !
يعني الصمون كم تكلفته !
مثلا لو كنت اشتريت بالف صمون وكل درهم مثلا فيه خمس صمونات معناتها انك بعت خمسة الاف صمونه !!
يعني احس ان الربح والمشتريات في الشهر الي ذكرته في شي خلل !
تأكد يالغالي من الكوست اليومي لكل المواد يعني السبت بكم خذيتو مواد خام
الإثنين, والجمعة بشكل عشوائي وشوف المتوسط.
الشيء الأكيد هو انك لازم تفتح كراستين ! الأولى للبيع ! كل سندويتشه او عصير تتسجل في الكراسة.
والكراسة الثانية يتسجل فيها المواد الي مستهلكة ! يعني اليوم تم استهلاك كارتون مانجا ! وكارتون المانجا فيه مثلا 10 حبات وكل حبه عصير ! يعني 10 عصير وجذيه تقارن هل فعلا تم بيع 10 عصير !
والله يوفقك يالغالي
وان شاء الله بنسير نشتري منك لووول
اخويه ما عندي خبره كبيره فهالمجال بالرغم اني خظت فيه مره وفشلت الحمدالله…….ولكن….ما تشوف ان عدد العمال شوي كبير على البدايه..في نظري انه المدخول ماشاء الله جدا ممتاز بالنسبه للمده اللي اشتغلت فيها…بس كيف قيمة المشتريات 18000 درهم؟ليش؟حول ترتب امورك وتسجل كل درهم صرفته…واهم شي ان مسؤولهم يكون شخص اميييييييييين…تعامل مع محلات الجمله عشان تييب كميات بسعر اقل….والله يوفقك يا اخويه وكنت اتمنى افيدك اكثر لكن على المقدور
كنت افكر بكم نقطة
الاولى: شوف شو التكاليف بشكل مفصل
اتوقع التكاليف بتكون المأكولات و المشروبات بشكل كبير .. هل حقا النسبة بين تكلفة الطلب و الفائدة متقاربة
اقصد من الارقام اللي كتبتها يبان ان الفائدة 20% تقريبا .. يعني اللي تبيعه بدرهم تقريبا تكلفته 0.8 درهم
هل حقا التكلفة عالية
هل العصير اللي ب 10 تكلفته ب 8
كنت اتوقع ارخص عن كذا
تأكد من هالنقطة
النقطة الثانية
اذا قسمت صافي الربح على عدد الايام بيطلع تقريبا ربحك 167 باليوم
هل تشوف هذا واقعي
ليش ما تفضي روحك يوم كامل معاهم و شوف هل هالربح بهالمستوى او اكثر !!
لازم تتأكد انهم مستقيمين
اذا تأكدت من هالنقطة
ممكن تشوف النقطة اللي بعدها
كيف تقلل التكاليف او انك ترفع سعر البيع لزيادة الارباح
و الشيكات تنعطي اجباري مع حساب اي شركة
و لكافتيريا ما اتوقع بتفيد كثير