اليوم سرت الامارات مول أدور لي لبس حق العيد

شفت فستان بسيط وناعم ولونه عيبني

معروض على واجهة المحل وهاي صورته

يوم سألت عن سعره احسه وايد مبالغ فيه ب 8300 احسه والله ما يستاهل هالسعر!!!

قلت يمكن القماش مستخرج من بطن الأسد من جي غالي و عاد لين طلعو هالقطعة من بطنه كان في خطورة وهالقطعة نادرة وايد

والله حرام هالمبلغ ينصرف في قطعة لبس يمكن ينلبس على أكثر تقدير 10 مرات وبينفر وفي المقابل ها راتب موظف جامعي !!

هالمبلغ يوفر ايجار سكن ل 3 شهور تقريبا ويوفر مصاريف أسرة!!

هالمبلغ يمكن يأكل حوالي 8 عائلات اذا مب أكثر!!
الناس في فلسطين مب لاقية تاكل وتشرب ونحن يقصون علينا شنطة بـ 5000 و لبس بـ 8000 وسيارة بـ 200 ألف ونحن ما نقول لا وفي الأصل قيمة هالأشيا ما تسوى ربع قيمتها !!

الأجانب ما يشترون هالأشياء يستخفون بعقولنا وبفلوسنا هاذيل ما تهمهم الفلوس وبيدفعون
اللي عنده خير لا يقول شو يعني الخير وايد ليش ما نلبس ونتمتع ونسوي … ترى بيي يوم ها كله بيغدي ولا شي وماله قيمة وكل ها بنسير عنه تحت التراب

58 thoughts on “شي يقهــــــــــــــــــــــــــــر والا ؟”

  1. حبوبـه !!

    معروف هالمحلات ،، اتكون ماركـات ،، وطبعـاً الماركـات أسـعارها غاليـه !!

    لكن مثل ما قلتي ،، الواحـد قبل لا يعق مبـلغ على هالأشياء يتذكـر ،، النـاس اللي يعيـشون بهالمبـلغ !!

    ماتم شي رخيـص !!

    لكن بيني وبينج ،، الفستـان حلو

  2. مسااج حلو يالغالية..

    ليش مستغربة..!!!

    يمكن ماركة عالمية…هذا أولا..

    أما ثانيا…لو الجماعة قوم المحلات مب محصلين ناس شرايه وعاقة فلوسها..

    جان ما بالغو بأسعارهم….بهذه الطريقة..!!!

    والله المستعان،،

  3. 8200 حسبي الله عليه
    لا وإنتي الصاجة يمكن من جلد الذباب مولفين القماش

    عالعموم مشكورة اختي على موضوعج القيم

    سيري اشتري القطعة من محلات برع وفصلي احلى عنه ما بيطلع عليج 300 درهم

    ها اللي ناويه اسويه

  4. كلامج صحيح

    ولكن من يعتبر؟!

    للاسف المناظر تؤثر علينا كثرآ

    اذا بترمسين عن التذير والاسراف؟!

    فحدثي ولا حرج

    شكرآ اختي

  5. 8200 حسبي الله عليه
    لا وإنتي الصاجة يمكن من جلد الذباب مولفين القماش

    عالعموم مشكورة اختي على موضوعج القيم

    سيري اشتري القطعة من محلات برع وفصلي احلى عنه ما بيطلع عليج 300 درهم

Comments are closed.