السلام عليكم
اليوم وصلتني صوره لحادث GTR احمر ارقام دبي واعتقد انه اول GTR 2009 يسوي حادث فالامارات
ويقولون انه التأمين كنسله !! عسب الارباغ اثنينهم طالعين ولين الحين ماشي قطع غيار
انا عرفت الموتر وين موجود وشفته وقلت يمكن اخذه بـ 100الف واصلحه 
يمكن يكلفني 80الف
والارباغ بكنسله شو رايكم
صور السياره :-
لا تعلـــيق
ماشاء الله ردود الشباب كلها بنفس الوقت و نفس النتيجه
التصليح ما بيكلف
بمبر جديد
بونيت جدبد
وبالمطرقه اشويه يمين و يسار
راديتر جديد مع الانتر كولر…
وحتى اذا الشاصي مضروب…. ب 5 الالاف درهم..تعديل الشاصي بالكمبيوتر
ما بيكلف شي…..
حرااااااااااااااام هذا يتكنسل؟؟؟؟؟؟
مافيه شي والله
خذه لو ب100 الف والله ابلاش بصرااحه
اهم شي الشاصي يكون اوكي عشان يمشي الفحص
الله يوفقك ان شالله يستاهل والله
بس يخوي ماضنتي توصل 80 الف التصليح 80 الف هذا بيغير السياره بالكامل
هلا حبيب الكل
هلا براعي جي تي ار 34
بس غريبه انه الموتر متكنسل..
الضربه موب لين هناك…
ضربه يايه في الوسط. ..وبسيطه …
اذا باعوه لك ……… شله و انته مغمض..
غريبه ليش مكنسلينه؟
الدعمه عاديه يعني الضربه في البمبر والبونيت ما يسوى يتكنسل عشانها!