مساء الخير..
إذا حد عنده فكره عن الموضوع اللي بتكلم عنه يعطيني اقتراحه أو يطرشلي عالخاص..
أتمنى لو حد يقدر يساعدني في هالموضوع ويزاه الله خير..خاصةً إذا كان يشتغل في الديوان-دبي..
انا احصل تذكرة سنوية من دوامي..لكن الشركة اللي اشتغل فيها مكفولة من قِبل الديوان..
والتذكرة اللي يعطوني ياها..لوجهة معينة هم مختارينها وما اقدر اغيرها..وبعد ما اقدر احصل بدل
تذكرة إذا ما كنت ناوية اسافر..وأنا مالي نية اسافر والتذكرة بتروح علي..
حالياً مخلية تذكرة العام كـ Voucher وبما إني ما سافرت لمدة سنتين لازم امددها..
وأما تذكرة هالسنة يقولون ما يعطون Voucher يعني لازم اسافر ولا بتروح علي..
ماظني السفر غصب..
كلما كلمت دوامنا عشان يعطوني بدل تذكرة قالولي ما يستوي ونحن حاولنا ويا الديوان بس ماشي
فايدة لكن اعرف هم ما يسوون شي..
فهل حد مرّ في نفس الموقف أو عنده حل للموضوع!..ويزاكم الله خير..
المدير يدري..يقول ما يستوي..لكن هو الوحيد يحصّل بدل لكن ما يخبر حد..
كيف تقصد تشريع..هل في قرار بخصوص هالشي؟
ما سكت عن حقي كلما رمست قالوا ما يستوي في دوامنا..بس ما عندي شخص معين في الديوان اقدر
اوصله الكلام بما إنهم هم اللي يدفعون حق تذاكرنا..
شكراً اخويه..
اشكرك اخويه دار زايد عالرد..
تقريباً نوعاً ما تقدر تقول اني كلمتهم وكلمت مديرنا وقالوا ماشي فايده الحال ما بيتغير..
لو كان بالإمكان يعطوني التذكرة بدون اسمي جان بعتها بالمنتدى وهالشي يا في بالي..لكن اسمي
بيكون عالتذكرة للأسف..بس بعد بحاول استعلم واتأكد بخصوص هالشي..
يزاك الله خير..
اذا الموضوع ما انحل وصليها للمدير لان هذا لا هو قران منزل ولا تشريع ما يحتمل الخطاء
والي يسكت عن حقه اذا الحق معاه مشكلته لذا لازم توصلين الموضوع الى المدير
ماعندي فكره عن الموضوع بس الافضل انك تكلم قسم الموارد البشريه بخصوص هالموضوع
واذا ماشي فايده تخبرهم اذا تقدر تخليها بإسم أي شخص واذا وافقوا بيعها بالمنتدى بسعر منافس
^_^
بالتوفيق ان شاء الله