استيشن او اكس فايف

السلام عليكم

موضوعي اليوم عن آلية اختيار السياره اللي نبا نشتريها وكيف نسوي مقارنه بين السيارات واتمنى كل عضو يحط وجهة نظره والاشياء المهمه للسياره

مثلا :-

اشتري استيشن 8 سلندر فول اوبشن بـ 264000
او
اشتري اكس فايف 6 سلندر بـ 270000

شو بنختار وليش ؟

الاستيشن 8 سلندر والاكس فايف 6 سلندر بس نفس القوه ويمكن الاكس فايف اقوى
الاستيشن اوسع من الاكس فايف ؟ بس الاكس فايف مب ضيقه
الاستيشن تشيكاته كل 5000 كيلو يعني في السنه 6تشيكات (على اقل تقدير) التكلفه 700 للتشييك العادي و1700 للجينيرال تشيك يعني (5200) على اقل تقدير للتشيكات سنويا من غير البترول !!
الاكس فايف تشيكه مجانا وتوديه الوكاله كل 20000 كيلو !
الاستيشن سعره بعد البيع ممتاز والاكس فايف سعره ينزل
الاستيشن يكمل 9 سنوات وياك والاكس فايف حده 5 سنوات

لازم نعيد النظر في اختيارنا للسياره ونترك العادات السابقه والولاء لبعض انواع السيارات وبالخصوص الاستيشن والنيسان وبالذات الاستيشن لانه الوكيل جشع ونتريا 6 شهور عشان توصل السياره ولازم كل شهرين نوديها التشييك وفي سيارات ثانيه بمواصفات افضل وصناعه اعرق وتعتبر من السيارات الفخمه بنفس القيمه او اغلى بخمس آلاف درهم

النيسان اليديد 243000 والاستيشن 264000 والاكس فايف والرنج سبورت والرنج العود مايفرق عن هالسيارتين بمبالغ بسيطه لكن بصناعه اعرق وافخم