السلام عليكم
كيف الحال شو الاخبار؟؟
استفسار للي سار وشاف ويعرف طبعا
عن الدراجات الموجوده في مركز التنين فدبي
ممكن حد يفيدنا بمعلومات صادقه عنهن
لانه حد يقول لا تاخذون وحد يقول خذ وبدل مكينه وعدل
ياريت حد يفيدنا
ومشكورين مقدما وما قصرتوووو
وسلامي الكم
إذا أنته راعي دراجات وتقطيع ندود وبداير والفايه لا تقرب صوب الصيني لأنها شبيهه بسياره “كيا” تسافر فيها السعوديه
الله أعلم بتوصلك ولا لا …
أما اذا انته طلعاتك خفيفه مالت مره كل شهر خذ الصيني أحسن لأنك بتخسر وايد إذا خذت رابتر او بانشي وبتم الدراجه وافقه وايد ويوم بتيي تبيعها طبيعي تنزل اول سنه 7000 إلى 10000 درهم
حسابيا:
رابتر سعرها 32000 درهم تلعب بها 4 شهور جدام لين الشتا يخلص وعقب اتبيعها يمكن اتييب لك 24000 او 23000 يعني خسرت قريب 8 ألاف درهم وفي الصيف بتهلك لين ما تحصل لها شراي
بهذي 8 ألاف درهم تقدر تاخذ 3 دراجات صيني 250 Cc كل شهر ألعب ب وحده وفرها برع بعد أنت ربحان …….
القرار لك
السلام عليكم اخواني
بخصوص الدراجات في التنين انصحك لا تاخذ وتعور راسك بالتصليح دوم مشاكلها وايده لا تعد ولا تحصى … وانا مع اخوي الياسي روح وكالة الياماها خذلك ياماها او سوزاكي فك نفسك من العباله وعوار الراس والسلام
انا اعرف ناس ماخذين بقي من مركز التنين وماخذينه بسته
وبدلوو المكينة وحطو ميكنة كورلا هدرز فلتر ….ومافيه حيله صغير وحلووو
وبالاخير القرار راجع لك
هلا اخوي …
نصيحه لاتشتري ولاتبدل
روح وكالة اليوسف
سوزوكي
ياماها
رابتر
كوبرا
عندي محل تصليح دراجات الناس تشتري من هنيه ويبونها الورشة دايركت..أعطالها كثير ولو أخترب الكمبيوتر ارمي الدراجه بكبرها..
هلا والله عزيزي بخصوص الدراجات في ناس خذوهن وبدلو المكينه ومستانسين من الدراجه لأنهن فيهن أوبشن حلو ممش ستندر هذا إلي أعرفه عنهن وأسمحلي .