اول شي السلام عليكم جميعا
ثانيا
مب حاله هاي من الشباب اللي يتسلون بالنت
يحطون اعلانات لبيع السيارات على الموقع الاكتروني
ولما نتصل عشان نشتري السياره يطلعلنا هندي مايعرف يرمس عربي
او يطلعلنا ريال يحليله حتى مايدري شو السالفه
اليوم شفت اعلان واتصلت واحد عارض نيسان
لما ردوا عليه رد علي واحد يحليله مسكين
قتله مخاوي شمه عارض نيسانك للبيع
قالي وين انا والنيسان وين لا خوي ماعندي نيسان لو بالاول بتزوج وعقب افكر اشتري موتر
شو هالمقالب اللي يسوونها الشباب ياخي استحوا على ويوهكم
والناس ارقامهم مب لعبه باييدينكم عشان نزعجهم
يا اخوان شي يزعل والله وعيب يعني
والسموحه منكم بس ضاربني غيظ هاي مب اول مره تستوي
والحل هو ياليت من الاداره يخلون اللي يحطون اعلاناتهم يكونون من اللي مشتركين بالمنتدى
والضيوف مايقدرون يحطون الاعلان
انا معاك ياخوي صحيح كلام
حرام والله يزعجون خلق الله
وعيب عليهم حركات الياهل كذا
مره اناستوت معاي هاي الحركه
بس ماقول غير الله يهديهم ان شاء الله
طرح الموضوع جميل وان شاء الله يعقلون “_
ماعتقد كل الناس اللي حاطين إعلان يسون مقالب
يمكن 1 وإلا 2
والزوار ماعتقد يقدرون يحطون إعلان ويمكن البايع يلف ويدور ومايكون جاد في البيع هني
عاد ماشيء حل غير الله يعينك وياه ولازم إدور طريقة تتصرف وتتفاهم وياه
وأعتقد منتدانا مافيه كاني ماني
شفته سوا فيك مقلب تعال
إفضحه هني والإدارة بتتصرف وياه أما باقي المواقع الله أعلم بجديتها بس جرب جرايد
مثل قلف نيوز والوسيط
ياريال انا البارحه دخلت موقع دبي مون
حصلت رقم حلو وبسعر احلى اتصلت في الريال قال ماعندي رقم للبيع
حصلت رقم سياره اتصلت ردت علي وحده قالتلي غلطان
حصلت سياره رد علي شيبه واحتشر علي ههههههههه
يمكن لان مافي اشتراك والاعلانات مجانا الله اعلم
ترا البطالية زادووو هالايام