السلام عليكم يااخوان
انا ناوي ان شاء الله في الصيف ع شهر 7 او 8 أنزل أمريكا إجازه اسبوعين بس الي سمعته لازم اكون مسوي فيزا قبلها بفتره ومن شروط الفيزا إني أكون حاجز مسبقا
فعندي كمن إستفسار , الأول كم الوقت بالعاده لين ماتصدر فيزا السياحه وهل بالعاده يتم رفض بعض الطلبات المقدمه ؟ لأنه واحد من ربعنا مجدم على فيزا لأمريكا من شهر 7 الي طاف ولين الحين ماردوا علي بعده
والسؤال الثاني إذا كانوا مشترطين الحجز المسبق مثلا لو انا حجزت على شهر 7 وجدمت الفيزا شهر 4 وماردوا علي لين شهر 7 شو بيصير في هالحاله وهل من المعقول ان الواحد يخسر حجزه بهالطريقه 
والسؤال الاخير شو هي الاوراق والإجراءات المطلوبه لإستصدار فيزا سياحه , وهل لازم الواحد يعبي الطلب عن طريق الإنترنت ولا في مجال الواحد يسير السفاره ويخلص كل أموره من هناك
وشكرا مقدما للجميع
لا اخوي ما يحتاج حجز مسبق
بس قدم من الآن لأنها تطول أحيانا
يطلبون منك عنوان الإقامة اختار أي فندق في المنطقة الي بتزورها
خذت عندهم 3 ايام بس في دبي ومثل ما قالوا لك الاخوان على حسب الشخص اللي بتقابله والحمد لله عطوني 10 فيزا مدتها عشر سنوات من اول مقابلة بس بيطلبون منك عنوان شخص تعرفه وسبب الزياره .. وبخصوص موعد السفر حطيت لهم تاريخ عشوائي بدون حجز ولا غيره ومن يوافقون على الفيزا انت حر متى ما تبا تسافر سافر مب ملزوم بالتاريخ اللي ذكرته
اخوي بالاول لازم تعبي الاستماره عن طريق النت ..
وعقبها تحجز موعد للمقابله .. واحتمال ما تحصل موعد قريب .. ف انت حاول تدخل الموقع مالهم و تجيك على جدول المواعيد .. يمكن حد كنسل موعده وانت تقدر تاخذ موعد بوقت مبكر ..
اذا كنت من بوظبي او العين ادخل على موقع السفاره ..
واذا كنت من دبي والامارات الشماليه ادخل على موقع القنصليه في دبي …
كل شي واضح و الاوراق المطلوبه كلها مبينه فالموقع ..
ربي يوفجك
مشكور اخوي بس بغيت اسالك هل لازم قبل مااقدم على الفيزا اكون حاجز مسبقا قبلها ولا هالشي عقب مايوافقون عليها لأنه واحد من الشباب دومه يسافر وخبرني هالمعلومه بس استغربت منها وشكرا
الفيزا إذا الأمور مشت تمام والي قابلك مزاجه فنان أنته بخير وتطلع الفيزا في ثالث يوم تستلمها.
يعني إذا خذوا الجواز عنك بعد المقابلة على طول ابشر بالخير بس يمكن يعطونك سنة أو سنتين أو عشر سنين.
وإذا ما خذوا الجواز يمكن تطول عن ثلاث شهور.