السلام عليكم ورحمه الله وبركاته
كيف حالكم اخواني و اخواتي….؟؟ اتمنى انكم بصحه وعافيه
الموضوع يا جماعه ان متطلبات عملي تجبرني دائما اني أبات في فندق أو شركه شقق فندقيه في أبوظبي
و السبب طبعا الزحمه الفضيعه بين أبوظبي و باقي الامارات الشماليه …
لكن للأسف لاحظت في الاونه الاخيره ارتفاع اسعار الفنادق و الشقق الفندقيه بشكل كبير جدا و يكسر الظهر في مدينه أبوظبي.
يعني اللي كان ب 400 صار بـ 750
و اللي كان بـ 1000 صار بـ 1400
و المشكله انهم خقاقين … يعني يوم تقوله انا باخذها بـ 500 يقولك سوري .. ما اقدر اعطيك ..
طبعا اللي سمعته من كثير من الشباب ان الأجانب لهم أسعار خاصه بحجه انهم يايين سياحه … وتوصل أسعارهم الى أفل بكثير….
فأتمنى يا أخواني اللي عنده اي طريقه اقدر أحصل فيها على خصم يخبرني بها …و بكون له ممنون …
و يزاكم الله خير
مشكور ياخوي
انا جربته لكن كل مره يقولي انته ما حددت التواريخ مع اني محددهم …
مشكور مره ثانيه
يزاك الله خير ياخوي على قصتك و مشاركتك …
لكن انا سؤالي هو … كيف نفقدر نحصل على سعر الأجانب ؟
الله يوفقكم لما فيه الخير
جرب موقع (booking.com) أسعارهم مرات أقل من الموقع الرئيسي للفندق.
ياخوي نفس المشكله نواجهّا في الدوله الاسعار للمواطن تختلف …
اخبرك سالفه صارت لي من فتره ليست بطويله ..
كانت عندي دوره لمدّة اسبوع في امارة بوظبي والشركه تنزّل اليوميّه كاش في الحساب وانت تصرّف تحجز ماتحجز ع كيفك!!
المهم قلت خلني اشوف الحجوزات في الفنادق في بوظبي وعن اسعارهم؟! ( طبعا هذا قبل الدوره باسبوع )..اتّصلت تصوّر بكل الفنادق في بوظبي دون استثناء حتى قصر الامارات full ..المهم قلت لربيعي بالسالفه ..قالّي دقايق !!!
يابلي حجز في فندق 5 نجوم وقريب من مكان الدوره لا والسعر ماكنت اتوقّعه رخص التراب!!
سألته شو سوّيت ؟ قال:تعرّفت على room boy في فندق من الفنادق وله علاقات في معظم فنادق بوظبي ويابلي السعر الصراحه يشكر عليه …وسألته عن الفنادق والاسعار لي تقصم الظهر تعرف شو رد علي انت مواطن !! لك سعر والاجنبي له سعر والسياح لهم سعر…
اللع يكون في عون الجميع