السلام عليكم
ممكن نفتح موضوع للنقاش ويفيدونا الاخوان المحللين واصحاب الخبره بخصوص الاسهم الثلاثه المنتقاه من ناحيه الارباح الي حققتها ومستقبلها في ظروف الازمه الاقتصاديه وقوة السهم لدي الاجانب وهي:
1- اياك
2-الاتحاد العقاريه
3-الخليج للملاحه
احس هاي الاسهم الثلاثه هي الوحيده الي بقت اسعارها في القاع على قولتهم بعد ارتفاع بعض الاسهم النشطه ولكن هذيل ما خذوا حقهم فيالارتفاع وفي حاله ارتفاعها وروجوع السوق لوضعه و على سعرهم اليوم ممكن الواحد يحقق ارباح 100% واكثر
لانه احس كل واحد منهم قاعد يرتفع كل يومين فلس ولا فلسين يعني بترجع بعد اسبوع بتلقاهم صاروا دبل سعرهم عن اليوم لانه تحركهم بشكل بطيئ وما يتلاحظ
بغينا نعرف شو الاصلح منهم ؟؟
وشو مميزاتهم وعيوبهم
لانه على اسعارهم اليوم احس الواحد بيندم عقب فتره اذا ما شلهم
يعني لو الواحد حب يختار سهم ويخليه اسبوع ولا اسبوعين شو تنصحون ؟
وشكرا
بصراحه مريت مرور سريع على الشارتات …لو ممكن تصبر علي لين بااااجر حتى نهاية التداول فهو سيحدد ملامح هذه الاسهم اكثر .
تصبح على خير
بإذن الله الخير يصيب الجميع
:
الظاهر الشباب رقدو من وقت اليوم .. متحمسين حق تاثير نتائج اعمار على السوق باجر
أتوقع أياك والاتحاد العقارية… والله أعلم
مشكور على مرورك
ونورت الموضوع بما انها اول مشاركه لك بالمنتدى
لا تنسون ديــــــار و تـبريد تراهن ارخص سهمين.